Viðskipti erlent

Framtíð Toshiba í óvissu

Sæunn Gísladóttir skrifar
Talið er að heilsárstap Toshiba gæti verið eitt það stærsta í sögu japanskra fyrirtækja.
Talið er að heilsárstap Toshiba gæti verið eitt það stærsta í sögu japanskra fyrirtækja. Vísir/EPA
Forsvarsmenn japanska tæknifyrirtækisins Toshiba vara nú við að fyrirtækið geti mögulega ekki haldið áfram starfsemi. BBC greinir frá þessu.



Frá apríl til desember á síðasta ári tapaði fyrirtæki 4,8 milljörðum Bandaríkjadala, 540 milljarða króna. Endurskoðandi fyrirtækisins á þó enn eftir að staðfesta þessar tölur.



Toshiba hefur tvisvar frestað því að birta gögn um fjárhagsstöðu fyrirtækisins sem gæti leitt til þess að fyrirtækið verði tekið af markaði í kauphöllinni í Tókýó. Talið er að haldinn verði blaðamannafundur um málið síðar í vikunni.



Toshiba hefur staðið frammi fyrir mörgum erfiðleikum undanfarin misseri. Árið 2015 kom upp hneykslismál sem leiddi til afsagnar fjölda leiðtoga innan fyrirtækisins. Einnig kom fram að starfsstöð fyrirtækisins í Bandaríkjunum, Westinghouse, ætti í fjárhagsvandræðum fyrr á þessu ári.



Tapið sem greint var frá á við um fyrstu níu mánuði síðasta árs, talið er að heildartap ársins hlaupi í billjónum japanskra jen. Ef svo fer er um að ræða eitt stærsta tap hjá japönsku fyrirtæki í sögunni.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,76
1
154
BRIM
1,82
7
315.738
REITIR
0,56
2
17.880
SJOVA
0,25
3
4.814
ORIGO
0,16
1
23

Mesta lækkun dagsins


Félag
Br.%
Fjöldi
Velta*
ICEAIR
-7,61
7
473
LEQ
-1,51
1
2.387
MAREL
-1,27
5
168.910
SYN
-0,41
1
244
ICESEA
0
1
18
Velkomin á Vísi. Þessi vefur notar vafrakökur. Sjá nánar.