Um er að ræða aflraunkeppni sem leikarinn Arnold Schwarzenegger kom fyrst með fram á sjónarsviðið árið 2002. Keppnin fer árlega fram í Columbus í Ohio og verður keppnin að þessu sinni 2.-5. mars.
Hafþór er sterkasti maður Íslands og án efa einn sá allra sterkasti í heiminum. Hann er löngu orðinn heimsfrægur eftir hlutverk sitt í þáttunum Game of Thrones.
Hafþór hefur þyngst gríðarlega á undanförnum tveimur vikum eins og sjá má á Facebook-síðu hans. Fyrir sléttum 14 dögum var Hafþór 195 kg. en í dag er hann 205 kg.
