Glamour

Olivia Palermo á forsíðu febrúarblaðs Glamour

Ritstjórn skrifar
Myndir/Silja Magg

Febrúarblað Glamour og fyrsta blað ársins er komið út!

Það er enginn önnur en götutískustjarnan og smekkkonan Olivia Palermo sem prýðir forsíðuna í ferskum myndaþætti sem ljósmyndarinn Silja Magg tók í New York þar sem við fáum smá vorfíling í miðju skammdeginu. 

Inn í blaðinu er að finna viðtal við Palermo sem hefur með smekklegan fatastíl og grafalvarlegri förðunarrútínu laðað að sér 4,6 milljónir fylgjenda á samfélagsmiðlunum sem fylgjast með hverju nýju dressi sem hún klæðist eða nýrri fléttu sem hún ber. Þetta hefur líka skilað henni titlinum listrænn gestastjórnandi hjá Ciaté London og hlutverki hönnuðar hjá Nordstrom og BaubleBar.

„Snyrtivenjur geta breytt útliti þínu, en þær eiga ekki að fela hver þú ert í raun og veru,“ segir Palermo og heldur áfram: „Þær eiga að draga fram það besta í manni.“
 

Mynd/Silja Magg

Febrúarblaðið er stúfullt af girnilegu lesefni. Við fengum Hallgerði Hallgrímsdóttir til spjalla um orð ársins 2016, Hrútskýringar, við höfund ársins föður hennar Hallgrím Helgason og ömmu Margréti Schram en úr því varð skemmtileg grein um hvað það er í raun að hrútskýra. Geta bara karlmenn hrútskýrt eða er það eitthvað sem konur gera líka?

Snyrtivörurnar eru plássfrekar að venju í blaðinu en meðal annars er áhugaverð grein frá ritstjóra fegurðarkaflans Hörpu Kára þar sem hún fer yfir hvers vegna við erum eiginlega að maka á okkur snyrtivörur og fyrir hvern gerum við það? Okkur sjálf eða einhverja aðra.

Ekki missa af febrúarblaði Glamour sem er nú á leiðinni í allar helstu verslanir. Tryggðu þér áskrift hér eða hafðu beint samband við okkur á glamour@glamour.is

Myndir/Getty

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.