Rjúpnaveiðin gengur vel um allt land Karl Lúðviksson skrifar 30. október 2017 08:47 Það var fjölmennt á fjöllum um allt land um helgina þegar rjúpnaveiðar hófust og heilt yfir eru veiðimenn ánægðir með þessa fyrstu helgi. Það er sama hvaðan við fáum fréttir af rjúpnaveiðum, það eru góðar tölur að berast um allt land og veiðimenn fullyrða að það sé mun meira af rjúpu en síðustu ár. Þar er líklega hluti sú skýring að ekkert alvarlegt hret hefur orðið í haust og þar af leiðandi eru afföll enn sem komið er mjög lág enda sést það á hlutfalli ungfugla í aflanum en hann er að sögn veiðimanna mjög hár þetta árið. Algengt er að skyttur séu að ná 5-10 fuglum yfir daginn og sumir hafa farið aðeins yfir það. Það er rétt að minna veiðimenn á að gæta hófs við veiðar og veiða ekki meira en við þurfum til að halda áfram að gefa stofninum tækifæri til að stækka enn frekar og þar af leiðandi styrkja sjálfbærni veiðanna. Það er þó ekki svo að veiðar séu það sem hefur mest áhrif á afföll, þar er það veður og síðan auðvitað þau rándýr sem að stórum hluta sækja í rjúpuna t.d. fálki og refur. Veiðarnar hafa þó ekki gengið áfallalaust fyrir sig en björgunarsveitir hafa verið kallaðar út í að minnsta þrígang til að leita að skyttum. Mest lesið Maðkur er munaðarvara Veiði Blanda opnar með 15 löxum fyrsta daginn Veiði I hope I got the right one! Veiði Opið hús hjá SVFR í kvöld Veiði Tóti Tönn og félagar ekki í Blönduopnun Veiði 45 fiskar á land við opnun Varmár Veiði Vinningshafar í Veiðikortaleik Veiðivísis Veiði 43 urriðar á land á einum degi Veiði Mikil aukning erlendra veiðimanna í silung Veiði Þegar örflugurnar gefa best Veiði
Það var fjölmennt á fjöllum um allt land um helgina þegar rjúpnaveiðar hófust og heilt yfir eru veiðimenn ánægðir með þessa fyrstu helgi. Það er sama hvaðan við fáum fréttir af rjúpnaveiðum, það eru góðar tölur að berast um allt land og veiðimenn fullyrða að það sé mun meira af rjúpu en síðustu ár. Þar er líklega hluti sú skýring að ekkert alvarlegt hret hefur orðið í haust og þar af leiðandi eru afföll enn sem komið er mjög lág enda sést það á hlutfalli ungfugla í aflanum en hann er að sögn veiðimanna mjög hár þetta árið. Algengt er að skyttur séu að ná 5-10 fuglum yfir daginn og sumir hafa farið aðeins yfir það. Það er rétt að minna veiðimenn á að gæta hófs við veiðar og veiða ekki meira en við þurfum til að halda áfram að gefa stofninum tækifæri til að stækka enn frekar og þar af leiðandi styrkja sjálfbærni veiðanna. Það er þó ekki svo að veiðar séu það sem hefur mest áhrif á afföll, þar er það veður og síðan auðvitað þau rándýr sem að stórum hluta sækja í rjúpuna t.d. fálki og refur. Veiðarnar hafa þó ekki gengið áfallalaust fyrir sig en björgunarsveitir hafa verið kallaðar út í að minnsta þrígang til að leita að skyttum.
Mest lesið Maðkur er munaðarvara Veiði Blanda opnar með 15 löxum fyrsta daginn Veiði I hope I got the right one! Veiði Opið hús hjá SVFR í kvöld Veiði Tóti Tönn og félagar ekki í Blönduopnun Veiði 45 fiskar á land við opnun Varmár Veiði Vinningshafar í Veiðikortaleik Veiðivísis Veiði 43 urriðar á land á einum degi Veiði Mikil aukning erlendra veiðimanna í silung Veiði Þegar örflugurnar gefa best Veiði