Dísilbílabann í heimaborg BMW? Finnur Thorlacius skrifar 15. júní 2017 09:53 Mengun í Munchen. Borgaryfirvöld í Munchen, sem er heimaborg bílaframleiðandans BMW íhugar nú að setja á dísilbílabann vegna gríðarlegrar NOx-mengunar sem þar mælist. Nýjustu mælingar þar hafa sjokkerað yfirvöld og í viðleitni sinni til að vernda íbúa borgarinnar eiga þau fáa kosti aðra en að takmarka umferð dísilbíla um borgina bæversku. „Enginn átti von á þessum niðurstöðum síðustu mælinga og þær eru sannarlega sjokkerandi“, er haft eftir borgarstjóra Munchen. Nágrannaborgin Stuttgart, heimaborg Mercedes Benz og Porsche, sem framleiða eins og BMW mikið magn dísilbíla, hefur þegar uppi áætlanir til að takmarka umferð dísilbíla strax á næsta ári. Á milli 133.000 og 170.000 dísilbílaeigendur í Munchen gætu því þurft að sæta bönnum á akstri í borginni á næstunni. Ekki er enn ljóst í hverju dísilbílabann í Munchen yrði fólgið, en þó er ljóst að þeir dísilbílar sem uppfylla Euro 6 staðalinn yrðu ekki fyrir akstursbönnum. Fyrir dísilvélaskandal Volkswagen voru um helmingur seldra nýrra bíla í Þýskalandi með dísilvélum, en það hlutfall hefur lækkað nokkuð síðan. Mikil áhersla hefur verið á undanförnum árum hjá þýsku bílaframleiðendunum í framleiðslu dísilbíla og er það vegna lágrar eyðslu þeirra og lítillar CO2 mengunar. Fyrir þann tíma var lítill gaumur gefinn að miklu hættulegri Nox mengun dísilbíla og einblínt á CO2 mengun, sem er í raun er ekki eiginleg mengun þar sem CO2 er náttúrulegt efni sem til dæmis maðurinn andar frá sér og og tré og annar gróður nýtir sér til ljóstillífunar. Svo virðist sem heimurinn hafi vaknað hvað varðar stórhættulega mengun dísilbíla umfram bensínbíla eftir dísilvélasvindl Volkswagen og í því ljósi er ljóst að þýsku bílaframleiðendurnir verða á mjög skömmum tíma að breyta framleiðslu sinni frá dísilbílum til umhverfisvænni bíla í formi rafmagnsbíla, tengiltvinnbíla og bensínbíla. Mest lesið Eldinum í bílnum fylgdi heljarinnar sprenging Innlent „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Endurnýja spá um lok umbrota við Grindavík Innlent Hafi orðið fyrir þrýstingi úr ólíkum áttum Innlent „Ódýrt“ að gera samningana tortryggilega Innlent Búnaður Al Jazeera gerður upptækur og miðillinn í bann Erlent Búast má við slyddu Veður Forsetavaktin 2024: Hver verður sjöundi forseti lýðveldisins? Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Borgaryfirvöld í Munchen, sem er heimaborg bílaframleiðandans BMW íhugar nú að setja á dísilbílabann vegna gríðarlegrar NOx-mengunar sem þar mælist. Nýjustu mælingar þar hafa sjokkerað yfirvöld og í viðleitni sinni til að vernda íbúa borgarinnar eiga þau fáa kosti aðra en að takmarka umferð dísilbíla um borgina bæversku. „Enginn átti von á þessum niðurstöðum síðustu mælinga og þær eru sannarlega sjokkerandi“, er haft eftir borgarstjóra Munchen. Nágrannaborgin Stuttgart, heimaborg Mercedes Benz og Porsche, sem framleiða eins og BMW mikið magn dísilbíla, hefur þegar uppi áætlanir til að takmarka umferð dísilbíla strax á næsta ári. Á milli 133.000 og 170.000 dísilbílaeigendur í Munchen gætu því þurft að sæta bönnum á akstri í borginni á næstunni. Ekki er enn ljóst í hverju dísilbílabann í Munchen yrði fólgið, en þó er ljóst að þeir dísilbílar sem uppfylla Euro 6 staðalinn yrðu ekki fyrir akstursbönnum. Fyrir dísilvélaskandal Volkswagen voru um helmingur seldra nýrra bíla í Þýskalandi með dísilvélum, en það hlutfall hefur lækkað nokkuð síðan. Mikil áhersla hefur verið á undanförnum árum hjá þýsku bílaframleiðendunum í framleiðslu dísilbíla og er það vegna lágrar eyðslu þeirra og lítillar CO2 mengunar. Fyrir þann tíma var lítill gaumur gefinn að miklu hættulegri Nox mengun dísilbíla og einblínt á CO2 mengun, sem er í raun er ekki eiginleg mengun þar sem CO2 er náttúrulegt efni sem til dæmis maðurinn andar frá sér og og tré og annar gróður nýtir sér til ljóstillífunar. Svo virðist sem heimurinn hafi vaknað hvað varðar stórhættulega mengun dísilbíla umfram bensínbíla eftir dísilvélasvindl Volkswagen og í því ljósi er ljóst að þýsku bílaframleiðendurnir verða á mjög skömmum tíma að breyta framleiðslu sinni frá dísilbílum til umhverfisvænni bíla í formi rafmagnsbíla, tengiltvinnbíla og bensínbíla.
Mest lesið Eldinum í bílnum fylgdi heljarinnar sprenging Innlent „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Endurnýja spá um lok umbrota við Grindavík Innlent Hafi orðið fyrir þrýstingi úr ólíkum áttum Innlent „Ódýrt“ að gera samningana tortryggilega Innlent Búnaður Al Jazeera gerður upptækur og miðillinn í bann Erlent Búast má við slyddu Veður Forsetavaktin 2024: Hver verður sjöundi forseti lýðveldisins? Innlent Fleiri fréttir Fær einn af sextíu forsetaframbjóðendum upp í bíl til sín Sjá meira