Ætla sér að endurnýja allan ísfisktogaraflotann

Síldarvinnslan hyggst endurnýja allan ísfisktogaraflota sinn á næstu árum. Þetta kom fram á aðalfundi fyrirtæksins sem haldinn var síðasta föstudag.

Skipin sem um ræðir eru Barði NK, Gullver NS, Vestmannaey VE og Bergey VE. Í frétt á vef fyrirtækisins segir að togararnir Barði og Gullver séu gerðir út af Síldarvinnslunni en Vestmannaey og Bergey af dótturfélaginu Bergur-Huginn.

„Barði NK var smíðaður árið 1989, Gullver árið 1983, en Vestmannaey og Bergey árið 2007.

Gunnþór B. Ingvason framkvæmdastjóri segir að undirbúningur hafi hafist þegar á síðasta ári.  þegar sé hafinn. „Sem liður í þessari endurnýjun var Bjartur NK seldur á síðasta ári til Íran og um þessar mundir er unnið að sölu á Barða NK til Rússlands. Blængur NK, áður Freri RE, hefur verið endurbyggður sem öflugur frystitogari og var hann tekinn í notkun fyrr á þessu ári.

Hvað varðar söluna á Barða þá mun myndast eitthvað tómarúm frá sölunni og þar til nýtt skip kemur og verður leitast við að bjóða sjómönnunum sem lenda í slíku millibilsástandi störf á öðrum skipum félagsins eða í landi auk þess sem aðrar lausnir verða skoðaðar,“ er haft eftir Gunnþóri.