Mariah Carey gerir sitt öfundsverða líf að opinni bók

Söng-dívan Mariah Carey mun brátt frumsýna nýja raunveruleikaþætti á sjónvarpsstöðinni E! sem koma til með að heita Mariah's World. Þættirnir elta söngkonuna á tónleikaferðalagi um heiminn ásamt því að fylgjast með henni skipuleggja brúðkaupið sitt við James Packer. 

Aðdáendum hennar til mikillar ánægju verður nóg um að vera í þáttunum og hægt verður að kynnast Mariuh töluvert betur en hún hefur aldrei hleypt myndavélunum inn í líf sitt á þennan hátt. 

Í þáttunum má búast við því að Mariah sýni sína innri dívu-takta en í klippunni hér fyrir neðan má meðal annars sjá hana slökkva á kertum á afmælisköku með kampavíni. Hún útskýrir einnig afhverju hún er alltaf með sólgleraugu inni en það ku vera vegna þess að hún lætur aldrei neinn sjá sig í flúor ljósi. 



Meira um þessa spennandi þætti hér fyrir neðan.