Er Harry Styles innblástur að línu Gucci?

Glöggir aðdáendur strákasveitarinnar One Direction ráku augun í að myndir á fatnaði úr sumarlínu Gucci minna mjög á húðflúr Harry Styles, eins meðlima sveitarinnar.

Harry er mikill aðdáandi Gucci og hefur klæðst fatnaði frá þeim margoft á rauða dreglinum, auk þess sem hann klæddist Gucci í myndbandinu við lagið Perfect. 

Það er þvi spurning hvort þessi ást hans á Gucci hafi orðið til þess að yfirhönnuðurinn, Alessandro Michele, hafi leitað að innblæstri í húðflúr söngvarans.

Harry hefur alltaf vakið mikla athygli fyrir sinn persónulega stíl, og hlaut meðal annars Bresku tískuverðlaunin árið 2013. Hann er einnig með sinn eigin stílista, nafna sinn Harry Lambert, og notast ekki við sama stílista og félagar hans í One Direction.

Eins og flestir vita er One Direction í pásu, og er Harry þessa dagana að leika í kvikmyndinni Dunkrik sem væntanleg er í kvikmyndahús á næsta ári.