Range Rover mest stolið sökum lyklalauss aðgengis og fjarræsingar Finnur Thorlacius skrifar 25. febrúar 2016 09:58 Range Rover bílar eru vinsælir meðal bílþjófa. Af tíu mest stolnu bílgerðum í Bretlandi í fyrra sem skiluðu sér aftur til eigenda sinna af tilstuðlan lögreglu þar eru þrjár gerðir Range Rover bíla og ein þeirra trónir efst á listanum. Helsta ástæða þessa er að þeir eru búnir lyklalausu aðgengi og fjarræsingu sem tæknivæddir þjófar eiga auðvelt með að brjótast inní. Mikill fengur er fyrir þjófana að komast yfir svo dýra bíla á auðveldan hátt en þeir kosta frá 11 til 15 milljóna króna í Bretlandi. Í öðru sæti á listanum yfir mest stolnu bílana er BMW X5 en sá bíll var sá mest stolni árið áður og reyndar síðustu 6 árin á undan. Þar fer einnig dýr bíll en hann kostar frá 8 til 12 milljónir króna. Aðrir BMW bílar, þ.e. BMW 3 og BMW 5 eru vinsælir á meðal bílþjófa en þeir eru í fimmta og sjöunda sæti á listanum. Mercedes Benz C220 og C63 eru í fjórða og sjötta sæti á listanum og Audi RS4 og Audi Q7 í sætum átta og tíu. Allt eru þetta dýrir lúxusbílar, flestir fjórhjóladrifnir, og líklega eðlilegt að nytjaþjófnuðum sé beint að slíkum bílum. Aukning í stolnum bílum í Bretlandi í fyrra var 12% svo að bílaframleiðendum hefur greinilega ekki tekist að gera bíla sína öruggari þrátt fyrir síaukna tækni í þeim. Heildarvirði stolinna bíla í Bretlandi í fyrra sem voru endurheimtir af eigendum sínum nam 1,64 milljarði króna og munar um minna. Lögreglunni tókst að hafa hendur í hári 65 bílþjófa sem nú sitja flestir inni. Mest lesið Ekkja hins látna: „Hann var enginn barnaperri“ Innlent Móðir um sakborning: „Matthías er blíður og góður“ Innlent Sagði til myndbönd af Matthíasi að berja menn í tálbeituaðgerðum Innlent „Tesla er ekki málið til að standa í svona“ Innlent Alvarlegt hversu mörg börn skorti samkennd Innlent „Unglingadrykkjan virðist vera orðin norm“ Innlent Trump gerir aðför að stjórn Seðlabankans Erlent Hunsa rauða ljósið í Reynisfjöru: „Er að setja sig í mjög meðvitaða hættu“ Innlent Ísland gat ekki gert losunarmarkmið ESB að sínu Innlent Ríkið braut á konu með því að láta mál hennar fyrnast Innlent
Af tíu mest stolnu bílgerðum í Bretlandi í fyrra sem skiluðu sér aftur til eigenda sinna af tilstuðlan lögreglu þar eru þrjár gerðir Range Rover bíla og ein þeirra trónir efst á listanum. Helsta ástæða þessa er að þeir eru búnir lyklalausu aðgengi og fjarræsingu sem tæknivæddir þjófar eiga auðvelt með að brjótast inní. Mikill fengur er fyrir þjófana að komast yfir svo dýra bíla á auðveldan hátt en þeir kosta frá 11 til 15 milljóna króna í Bretlandi. Í öðru sæti á listanum yfir mest stolnu bílana er BMW X5 en sá bíll var sá mest stolni árið áður og reyndar síðustu 6 árin á undan. Þar fer einnig dýr bíll en hann kostar frá 8 til 12 milljónir króna. Aðrir BMW bílar, þ.e. BMW 3 og BMW 5 eru vinsælir á meðal bílþjófa en þeir eru í fimmta og sjöunda sæti á listanum. Mercedes Benz C220 og C63 eru í fjórða og sjötta sæti á listanum og Audi RS4 og Audi Q7 í sætum átta og tíu. Allt eru þetta dýrir lúxusbílar, flestir fjórhjóladrifnir, og líklega eðlilegt að nytjaþjófnuðum sé beint að slíkum bílum. Aukning í stolnum bílum í Bretlandi í fyrra var 12% svo að bílaframleiðendum hefur greinilega ekki tekist að gera bíla sína öruggari þrátt fyrir síaukna tækni í þeim. Heildarvirði stolinna bíla í Bretlandi í fyrra sem voru endurheimtir af eigendum sínum nam 1,64 milljarði króna og munar um minna. Lögreglunni tókst að hafa hendur í hári 65 bílþjófa sem nú sitja flestir inni.
Mest lesið Ekkja hins látna: „Hann var enginn barnaperri“ Innlent Móðir um sakborning: „Matthías er blíður og góður“ Innlent Sagði til myndbönd af Matthíasi að berja menn í tálbeituaðgerðum Innlent „Tesla er ekki málið til að standa í svona“ Innlent Alvarlegt hversu mörg börn skorti samkennd Innlent „Unglingadrykkjan virðist vera orðin norm“ Innlent Trump gerir aðför að stjórn Seðlabankans Erlent Hunsa rauða ljósið í Reynisfjöru: „Er að setja sig í mjög meðvitaða hættu“ Innlent Ísland gat ekki gert losunarmarkmið ESB að sínu Innlent Ríkið braut á konu með því að láta mál hennar fyrnast Innlent