Balenciaga boðar endurkomu axlapúðanna

Það var gaman að sjá sýningu tískuhússins Balenciaga á tískuvikunni í París um helgina en um var að ræða aðra sýningu yfirhönnuðarins Demna Gvasalia undir þessu fornfræga merki. 

Gvasalia hefur vakið athygli og eftirtekt fyrir eitt heitasta merki síðasta árs, Vétements, en honum tekst á fágaðan máta að blanda saman hátísku og götustísku með nýstárlegum leiðum. Hér eru trendin sett, það er á hreinu. 

Meðal þess sem Gvasalia setti á tískupallinn voru yfirhafnir með risavöxnum öxlum, stígvél með pinnahælum sem voru samsett við buxurnar, kjólar með klaufum og áberandi mitti. Sýningin snerist að miklu leyti um efni: leður, latex, plast og spandex. Fylgihlutirnir voru á sínum stað og að þessu sinni í stærri kantinum. 

Sýningin snerist að miklu leyti um að para saman andstæður eins og kristallaðist í hári og förðun fyrirsætanna. Allt mjög minimalíst en neglur fyrirsætnana eldrauðar með demöntum.