Fiat Toro pallbíll Finnur Thorlacius skrifar 28. apríl 2016 12:35 Fiat Toro í Detroit. Þessi Fiat Toro pallbíll sást um daginn á götum Detroit í Bandaríkjunum. Hann er nú þegar í sölu í Brasilíu. Hvort tilkoma hans við prófanir í Bandaríkjunum bendi til þess að hann sé væntanlegur þangað í sölu eða víðar í heiminum skal ósagt látið. Þessi bíll er byggður á Jeep Cherokee og er eiginlega pallbílsgerð hans, en Fiat Chrysler bílafyrirtækið á Jeep. Í Brasilíu er þessi pallbíll í boði með 140 hestafla og 1,8 lítra bensínvél eða 170 hestafla og 2,0 lítra dísilvél og fæst bæði fjórhjóladrifinn og framhjóladrifinn. Pallurinn á bílnum opnast með tveimur hurðum að aftan og er slíkt fyrirkomulag sjaldgæft. Ef hann yrði seldur vestanhafs myndi hann keppa við bíla eins og Chevrolet Colorado/GMC Canyon, Toyota Tacoma og Honda Ridgeline. Þá myndi hann líklega fá sömu 271 hestafla 3,2 lítra V6 vélina og er að finna í Jeep Cherokee og með 9 gíra sjálfskiptingu. Fiat hefur áður gefið það upp að með tilkomu nýrrar kynslóðar Jeep Cherokee árið 2020 verði einnig í boði pallbílsútgáfa af honum, en spurningin er hvort þessi verði fyrri til frá Fiat Chrysler. Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Hávaðarok á Snæfellsnesi og Faxaflóa Innlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent
Þessi Fiat Toro pallbíll sást um daginn á götum Detroit í Bandaríkjunum. Hann er nú þegar í sölu í Brasilíu. Hvort tilkoma hans við prófanir í Bandaríkjunum bendi til þess að hann sé væntanlegur þangað í sölu eða víðar í heiminum skal ósagt látið. Þessi bíll er byggður á Jeep Cherokee og er eiginlega pallbílsgerð hans, en Fiat Chrysler bílafyrirtækið á Jeep. Í Brasilíu er þessi pallbíll í boði með 140 hestafla og 1,8 lítra bensínvél eða 170 hestafla og 2,0 lítra dísilvél og fæst bæði fjórhjóladrifinn og framhjóladrifinn. Pallurinn á bílnum opnast með tveimur hurðum að aftan og er slíkt fyrirkomulag sjaldgæft. Ef hann yrði seldur vestanhafs myndi hann keppa við bíla eins og Chevrolet Colorado/GMC Canyon, Toyota Tacoma og Honda Ridgeline. Þá myndi hann líklega fá sömu 271 hestafla 3,2 lítra V6 vélina og er að finna í Jeep Cherokee og með 9 gíra sjálfskiptingu. Fiat hefur áður gefið það upp að með tilkomu nýrrar kynslóðar Jeep Cherokee árið 2020 verði einnig í boði pallbílsútgáfa af honum, en spurningin er hvort þessi verði fyrri til frá Fiat Chrysler.
Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Hávaðarok á Snæfellsnesi og Faxaflóa Innlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent