Ásdís Rán komin með aukaréttindi á þyrlu

Ásdís Rán Gunnarsdóttir fyrirsæta er komin með aukinn þyrluflugmannsréttindi. Þetta kemur fram á Facebook síðu hennar.

„Eftir erfiða og átakamikla þjálfun sem þyrluflugmaður og tæknilega þjálfun hjá Heliair Sweden er ég orðin A-stjörnu flugmaður með stöðu As350b2 og As350b3 flugmanns. Árinn, þetta var erfitt,“ segir Ásdís en fyrst bárust fregnir af þyrludellu hennar árið 2013. Þá sagðist hún hyggja á þyrluflugmannsnám í London og láta þannig gamlan draum rætast. Það gekk þó ekki upp í það skiptið. Í fyrra hóf hún draumanámið í Rúmeníu og fékk þyrlupróf. Í dag útskrifaðist hún hins vegar með As350b2 og As350b3 réttindi frá skóla í Svíþjóð. Ásdís býr í Búlgaríu um þessar mundir. 



Uppfært:

Upphaflega stóð í fréttinni að um atvinnumannspróf væri að ræða. Það er ekki rétt og hefur verið leiðrétt hér með.