Hægist heldur á veiðinni í Veiðivötnum

Það er ekki bara í laxveiðinni þar sem einmuna veðurblíða gerir veiðimönnum lífið leitt og fiskinn tregann.

Silungsveiðimenn finna líka vel fyrir þessu því fiskurinn hegðar sér yfirleitt þannig þegar sólin skín allann daginn og vötnin hitna að hann leggst niður í kalt vatn á eins miklu dýpi og hann finnur og þar liggur hann þar til yfirborðsvatnið kólnar á nýjan leik.  En einmitt þess vegna við þessar aðstæður tekur fiskurinn oft fyrst á morgnana og mjög seint á kvöldin.

Það var til að mynda afskaplega róleg veiði í Veiðivötnum síðustu tvær vikur en þar hefur á köflum verið mjög gott veður og mikil sól.  Það hafa þó einstaka veiðimenn gert betri veiði en aðrir en það eru þó ekki margir sem hafa fagnað mikilli lukku í vötnunum þegar best viðrar.  Það er þó vonandi að verða breyting þar á því í langt tíma spánni er rigning og töluverðar veðrabreytingar í vændum og það gæti hleypt góðu lífi í vötn og ár landsins.

Heildarveiðin í Veiðivötnum er komin í 15.210 fiska sem skiptist í 6.194 urriða og 9.016 bleikjur.