Pulsur og lög María Rún Bjarnadóttir skrifar 19. ágúst 2016 09:53 Tengdalangalangafi Kate Moss, Otto von Bismarck, sagði að lög væru eins og pulsur; það væri vissara að vita ekki hvernig þau eru búin til. Ég fullyrði ekkert um afstöðu pulsugerðarmanna, en hafandi reynslu af undirbúningi lagasetningar held ég að máltækið eigi sjaldan við á Íslandi. Helgi Hrafn þingmaður afhjúpaði í nýlegu vídeói að mótmælendur nýrra útlendingalaga voru ekki alveg búnir að lesa innihaldslýsingu laganna. Mér virtist sem þeir skildu ekki alveg framleiðsluferlið á löggjöf heldur. Á stjr.is eru heimasíður ráðuneyta. Þegar frumvörp eru á undirbúningsstigum eru þau oft kynnt og óskað eftir umsögnum til að breyta þeim eða bæta þau. Það er hægt að bregðast við því. Útlendingalögin hafa verið í vinnslu frá 2011 og um þau eru tugir tilkynninga, fundarboða og frétta á heimasíðu viðkomandi ráðuneytis. Það er hægt að mæta á fundi. Þegar frumvarp er lagt fram á Alþingi er svo hægt að senda viðkomandi þingnefnd formlega umsögn. Þetta er allt á Alþingi.is, sem er besta heimasíða á Íslandi þrátt fyrir að innihalda ýmislegt vafasamt efni. Á Alþingisvefnum er líka frábær leitarvél og þegar rétt mál er fundið er ýtt á hnapp sem heitir ferill málsins. Þá er hægt að sjá ýtarlega innihaldslýsingu á lögum, lýsingu á framleiðsluferlinu og helstu breytingum sem uppskrift laganna hefur tekið. Þessar ábendingar gagnast illa þeim sem tala fyrir skaðlegu innihaldi í lögum. Fyrir þá er líklega betra að fá sér bara pulsu á Austurvelli. Viltu birta grein á Vísi? Sendu okkur póst. Senda grein María Bjarnadóttir Mest lesið Hamas og átökin við Ísrael – hvað er ekki sagt upphátt? Einar G Harðarson Skoðun Opið bréf til stjórnvalda Elín Ýr Arnar Hafdísardóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Við skuldum þeim að hlusta Ólafur Adolfsson Skoðun Næstu sólarhringar á Gaza skipta sköpum Hlynur Már Vilhjálmsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Þjóðareign, trú og skattar Svanur Guðmundsson Skoðun Loksins fær þyrlan heimili fyrir norðan Njáll Trausti Friðbertsson Skoðun Lífið er eins og konfektkassi, þú veist aldrei hvernig mola þú færð Elín Íris Fanndal Skoðun
Tengdalangalangafi Kate Moss, Otto von Bismarck, sagði að lög væru eins og pulsur; það væri vissara að vita ekki hvernig þau eru búin til. Ég fullyrði ekkert um afstöðu pulsugerðarmanna, en hafandi reynslu af undirbúningi lagasetningar held ég að máltækið eigi sjaldan við á Íslandi. Helgi Hrafn þingmaður afhjúpaði í nýlegu vídeói að mótmælendur nýrra útlendingalaga voru ekki alveg búnir að lesa innihaldslýsingu laganna. Mér virtist sem þeir skildu ekki alveg framleiðsluferlið á löggjöf heldur. Á stjr.is eru heimasíður ráðuneyta. Þegar frumvörp eru á undirbúningsstigum eru þau oft kynnt og óskað eftir umsögnum til að breyta þeim eða bæta þau. Það er hægt að bregðast við því. Útlendingalögin hafa verið í vinnslu frá 2011 og um þau eru tugir tilkynninga, fundarboða og frétta á heimasíðu viðkomandi ráðuneytis. Það er hægt að mæta á fundi. Þegar frumvarp er lagt fram á Alþingi er svo hægt að senda viðkomandi þingnefnd formlega umsögn. Þetta er allt á Alþingi.is, sem er besta heimasíða á Íslandi þrátt fyrir að innihalda ýmislegt vafasamt efni. Á Alþingisvefnum er líka frábær leitarvél og þegar rétt mál er fundið er ýtt á hnapp sem heitir ferill málsins. Þá er hægt að sjá ýtarlega innihaldslýsingu á lögum, lýsingu á framleiðsluferlinu og helstu breytingum sem uppskrift laganna hefur tekið. Þessar ábendingar gagnast illa þeim sem tala fyrir skaðlegu innihaldi í lögum. Fyrir þá er líklega betra að fá sér bara pulsu á Austurvelli.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun