Stjörnurnar hámuðu í sig humar

Veitingastaðurinn Verbúð 11 Lobster & stuff opnaði við gömlu höfnina síðastliðinn föstudag. Staðurinn er í eigu þeirra Jóns Gunnars Geirdal og Jóns Arnars Guðbrandssonar, sem einnig reka samloku- og safastaðinn Lemon.

Margmennt var við opnunina, þar sem gestir fengu meðal annars að smakka rétti úr eldhúsinu. Líkt og nafn staðarins gefur til kynna verður talsvert um humar á boðstólnum en einnig verður boðið upp á rib-eye hamborgara, bláskel og ýmislegt fleira.

Fjölmiðlafólkið Björn Ingi Hrafnsson, Salka Sól Eyfeld og Ásgeir Kolbeinsson, knattspyrnuhetjan Eiður Smári Guðjohnsen og Högni Egilsson, söngvari Hjaltalín, voru meðal þeirra sem létu sjá sig á föstudagskvöldið. Nokkrar vel valdar myndir frá opnuninni má sjá hér fyrir neðan.​