Óboðleg frammistaða barns í þrautabraut - Myndband

Það er staðreynd að sumir eru einfaldlega klaufskari en aðrir og lenda oftar í hrakföllum en gengur og gerist. Sígilt máltæki er til sem er á þann veg að brennt barn forðist eldinn en svo virðist hins vegar ekki alltaf vera. Gott dæmi um það er myndbandið sem fylgir þessari frétt.

Myndbandið sýnir táning reyna fyrir sér í braut sem inniheldur ýmsar hindranir og minnir í raun á litla „wipe-out“ braut. Unglingurinn hugsar myndatökumanninum eflaust þegjandi þörfina því frammistaða hans í brautinni er í besta falli vonlaus.

Myndbandið er hægt að sjá hér fyrir neðan.