Var búinn að telja mig af Gunnþóra Gunnarsdóttir skrifar 20. febrúar 2016 11:00 Arnbjörn við heimagerða prjónavél sem hann gerir hina flottustu trefla í. Hann notar borvélina sem spólurokk. Mynd/Jóhanna Valgerður Hver er fyrsta minning þín, Arnbjörn? „Hún er um föðurömmu mína Þórunnbjörgu, hún var að reyta arfa við húsdyrnar og sagði: „Þar sem illgresið grær fyrir dyrum, þar á gestrisni ekki heima.“ Af henni lærði ég að hafa ávallt hreint í kring um mig.“ Hversu mörg voruð þið systkinin? „Við vorum tíu. Strákarnir sex og stelpurnar fjórar.“ Hafðir þú gaman af bústörfunum? „Þó svo að ég hafi stundað búskap hafði ég aldrei neitt sérstaklega gaman af honum.“ Hafðir þú uppáhald á einhverjum hesti? „Já, ég átti hest sem ég hafði mikið uppáhald á, hann hét Sörli og var gæðingur og mikill hlaupahestur.“Var kominn bíll í Svínafell þegar þú manst eftir þér? „Fyrsti bíllinn kom þangað tveimur árum áður en ég fæddist, það var Ford AA, árgerð 28, sem var fyrst SF- 27 en síðan Z-37. Pabbi átti hann en þegar við bræður gátum keyrt þá slógumst við um hver ætti að keyra!“ Manstu eftir sérstakri hættuför yfir Fljótin? „Þær voru margar og allar minnisstæðar. Eitt sinn var ég að ferja Mýramenn og Suðursveitunga yfir Austurfljótin á Ford-trukknum hans Gísla bróður sem var með háan pall. Ég var búinn að velja brot yfir, kem svo í lygnu, þar var svo djúpt að vatnið náði upp undir pallinn og bíllinn stoppaði í sandbleytu. Mér leist ekki á blikuna en með því að skaka bílnum fram og aftur losnaði hann og ég komst með allan hópinn í land.“ Hvað hefur þú aðallega fengist við um ævina? „Ég stundaði búskap í Svínafelli í tíu ár, flutti svo í Árnanes og fór að vinna í byggingavinnu hjá Guðmundi Jónssyni. Ég vann mikið á verkstæðum við að halda við vélum og tækjum. Síðar fór ég að vinna í línuvinnu hjá Rarik og líkaði mjög vel en varð að hætta vegna heilsubrests. Hef haft ánægju af að gera upp gamla bíla og dráttarvélar frá grunni.“ Hvert er áhugaverðasta ferðalag sem þú hefur farið í? Ég hef alltaf haft áhuga á flugi og tók flugmannspróf, vorum tólf sem tókum okkur saman og lærðum flug og fórum svo seinna saman til Kitty Hawk í Norður-Karólínu í Bandaríkjunum. Ferðin var farin í tilefni 100 ára afmæli flugsins og við skoðuðum meðal annars flugvél Wright-bræðra sem var fyrsta flugvélin sem flaug fyrir eigin vélarafli og hafði menn innanborðs. Þetta var skemmtileg ferð.“ Hvenær varst þú í mestum lífsháska? „Ætli það hafi ekki verið þegar við Gísli bróðir fórum í eftirleit á Hálsum? Við fundum tvö lömb og á leiðinni til baka hrasaði ég á harðfenni og rann niður svona 200 metra, fór fram af svellbólstrum í gilinu, kom niður næstum á jafnsléttu á fleygiferð og reyndi að stoppa mig því fram undan var hengiflug ofan í Neðradalsvatnið. Ég náði steinnibbu sem stóð upp úr og gat krækt í hana og stoppað mig. Gísli stóð uppi á skriðunni og var búinn að telja mig af. Einnig er mér minnisstætt þegar við Sigurbjörg systir fórum ríðandi á Pjakk gamla austur yfir Fljót, til að fara að læra sund í nýju sundlauginni á Höfn. Fljótin voru mikil og straumhörð, hesturinn lenti á sund og Sigurbjörg valt út á hlið, ég náði að halda henni og fyrir einhverja blessun náðum við landi, það varð okkur til lífs því hvorugt okkar kunni að synda.“ Hvernig ætlar þú að halda upp á afmælið? „Börnin mín ætla að halda mér veislu í Ekrunni hér á Hornafirði klukkan 18 í dag, laugardag. Allir eru velkomnir og gjafir eru afþakkaðar en andvirði vískíflösku væri vel varið í söfnun útivistarhjóls fyrir Skjólgarð.“ Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp „Kveiktum næstum í öllu sumarbústaðalandinu“ Lífið Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Sjá meira
Hver er fyrsta minning þín, Arnbjörn? „Hún er um föðurömmu mína Þórunnbjörgu, hún var að reyta arfa við húsdyrnar og sagði: „Þar sem illgresið grær fyrir dyrum, þar á gestrisni ekki heima.“ Af henni lærði ég að hafa ávallt hreint í kring um mig.“ Hversu mörg voruð þið systkinin? „Við vorum tíu. Strákarnir sex og stelpurnar fjórar.“ Hafðir þú gaman af bústörfunum? „Þó svo að ég hafi stundað búskap hafði ég aldrei neitt sérstaklega gaman af honum.“ Hafðir þú uppáhald á einhverjum hesti? „Já, ég átti hest sem ég hafði mikið uppáhald á, hann hét Sörli og var gæðingur og mikill hlaupahestur.“Var kominn bíll í Svínafell þegar þú manst eftir þér? „Fyrsti bíllinn kom þangað tveimur árum áður en ég fæddist, það var Ford AA, árgerð 28, sem var fyrst SF- 27 en síðan Z-37. Pabbi átti hann en þegar við bræður gátum keyrt þá slógumst við um hver ætti að keyra!“ Manstu eftir sérstakri hættuför yfir Fljótin? „Þær voru margar og allar minnisstæðar. Eitt sinn var ég að ferja Mýramenn og Suðursveitunga yfir Austurfljótin á Ford-trukknum hans Gísla bróður sem var með háan pall. Ég var búinn að velja brot yfir, kem svo í lygnu, þar var svo djúpt að vatnið náði upp undir pallinn og bíllinn stoppaði í sandbleytu. Mér leist ekki á blikuna en með því að skaka bílnum fram og aftur losnaði hann og ég komst með allan hópinn í land.“ Hvað hefur þú aðallega fengist við um ævina? „Ég stundaði búskap í Svínafelli í tíu ár, flutti svo í Árnanes og fór að vinna í byggingavinnu hjá Guðmundi Jónssyni. Ég vann mikið á verkstæðum við að halda við vélum og tækjum. Síðar fór ég að vinna í línuvinnu hjá Rarik og líkaði mjög vel en varð að hætta vegna heilsubrests. Hef haft ánægju af að gera upp gamla bíla og dráttarvélar frá grunni.“ Hvert er áhugaverðasta ferðalag sem þú hefur farið í? Ég hef alltaf haft áhuga á flugi og tók flugmannspróf, vorum tólf sem tókum okkur saman og lærðum flug og fórum svo seinna saman til Kitty Hawk í Norður-Karólínu í Bandaríkjunum. Ferðin var farin í tilefni 100 ára afmæli flugsins og við skoðuðum meðal annars flugvél Wright-bræðra sem var fyrsta flugvélin sem flaug fyrir eigin vélarafli og hafði menn innanborðs. Þetta var skemmtileg ferð.“ Hvenær varst þú í mestum lífsháska? „Ætli það hafi ekki verið þegar við Gísli bróðir fórum í eftirleit á Hálsum? Við fundum tvö lömb og á leiðinni til baka hrasaði ég á harðfenni og rann niður svona 200 metra, fór fram af svellbólstrum í gilinu, kom niður næstum á jafnsléttu á fleygiferð og reyndi að stoppa mig því fram undan var hengiflug ofan í Neðradalsvatnið. Ég náði steinnibbu sem stóð upp úr og gat krækt í hana og stoppað mig. Gísli stóð uppi á skriðunni og var búinn að telja mig af. Einnig er mér minnisstætt þegar við Sigurbjörg systir fórum ríðandi á Pjakk gamla austur yfir Fljót, til að fara að læra sund í nýju sundlauginni á Höfn. Fljótin voru mikil og straumhörð, hesturinn lenti á sund og Sigurbjörg valt út á hlið, ég náði að halda henni og fyrir einhverja blessun náðum við landi, það varð okkur til lífs því hvorugt okkar kunni að synda.“ Hvernig ætlar þú að halda upp á afmælið? „Börnin mín ætla að halda mér veislu í Ekrunni hér á Hornafirði klukkan 18 í dag, laugardag. Allir eru velkomnir og gjafir eru afþakkaðar en andvirði vískíflösku væri vel varið í söfnun útivistarhjóls fyrir Skjólgarð.“
Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp „Kveiktum næstum í öllu sumarbústaðalandinu“ Lífið Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Sjá meira