Tilraun með merkingar í Víðidalsá Karl Lúðvíksson skrifar 12. apríl 2016 13:38 Árni Kristinn Skúlason með sjóbirting úr Víðidalsá Víðidalsá er ein af þessum ám sem geymir alla laxfiskstofna sem þekkjast hér við land og það er því mikið sótt í að veiða í ánni eins og gefur að skilja. Víðidalsá er auðvitað best þekkt sem laxveiðiðá en í hana gengur líka mikið magn af sjóbleikju og nokkuð af sjóbirting. Staðbundna bleikju og urriða má líka finna þarna svo það er mjög spennandi að fá töku og komast að því hvað sé á enda færisins. Hingað til hefur eingöngu verið veitt í ánni á hefðbundnum veiðitíma á sumrin en nú er til skoðunar að hefja vorveiði þar eins og tíðkast t.d. í Grímsá, Laxá í Kjós og víðar. það gerist þó ekki á þessu ári en samkvæmt Jóhanni Hafnfjörð leigutaka Víðidalsár til skoðunar að byrja slíkar veiðar á næsta ári en í tengslum við það er einmitt verið að skoða byggingu veiðihúss sem er hugsað sérstaklega fyrir vorveiðina. Veiðarnar nú eru þess vegna vísindaveiðar og ekkert annað. Fiskurinn er merktur til að skoða heimtur og endurveiðihlutfall sem er ágætis grunnur fyrir forsendum vorveiða. Þeir sem voru við veiðar og merkingar um daginn veiddu nokkuð vel. Mest sjóbirtinga og urriða en einnig þrjá laxa. Sjóbirtingurinn og urriðinn var mest 2-5 pund en laxarnir allir um 70 sm langir. Flugurnar Iða, Dýrbítur og Black Ghost voru vinsælar. Það verður spennandi að sjá útkomuna á þessum veiðum og vonandi verður hægt að bóka í vorveiði þarna að ári. Mest lesið Laxveiðin líklega undir meðallagi í sumar Veiði Kort af friðlandi rjúpna á Reykjanesi Veiði Sporðaköst fengu grænt ljós frá Eric Clapton: „I love it“ Veiði Veiðiferð til Belize í vinning Veiði Varar jarðeigendur við yfirgangi Þingvallaþjóðgarðs Veiði Félag ungra í skot og stangveiði Veiði Eystri Rangá með flesta veidda laxa í vikunni Veiði Er sumarflugan 2014 fundin? Veiði Að prófa eitthvað nýtt í litlu vatni Veiði Þrjár nauðsynlegar laxaflugur í boxið Veiði
Víðidalsá er ein af þessum ám sem geymir alla laxfiskstofna sem þekkjast hér við land og það er því mikið sótt í að veiða í ánni eins og gefur að skilja. Víðidalsá er auðvitað best þekkt sem laxveiðiðá en í hana gengur líka mikið magn af sjóbleikju og nokkuð af sjóbirting. Staðbundna bleikju og urriða má líka finna þarna svo það er mjög spennandi að fá töku og komast að því hvað sé á enda færisins. Hingað til hefur eingöngu verið veitt í ánni á hefðbundnum veiðitíma á sumrin en nú er til skoðunar að hefja vorveiði þar eins og tíðkast t.d. í Grímsá, Laxá í Kjós og víðar. það gerist þó ekki á þessu ári en samkvæmt Jóhanni Hafnfjörð leigutaka Víðidalsár til skoðunar að byrja slíkar veiðar á næsta ári en í tengslum við það er einmitt verið að skoða byggingu veiðihúss sem er hugsað sérstaklega fyrir vorveiðina. Veiðarnar nú eru þess vegna vísindaveiðar og ekkert annað. Fiskurinn er merktur til að skoða heimtur og endurveiðihlutfall sem er ágætis grunnur fyrir forsendum vorveiða. Þeir sem voru við veiðar og merkingar um daginn veiddu nokkuð vel. Mest sjóbirtinga og urriða en einnig þrjá laxa. Sjóbirtingurinn og urriðinn var mest 2-5 pund en laxarnir allir um 70 sm langir. Flugurnar Iða, Dýrbítur og Black Ghost voru vinsælar. Það verður spennandi að sjá útkomuna á þessum veiðum og vonandi verður hægt að bóka í vorveiði þarna að ári.
Mest lesið Laxveiðin líklega undir meðallagi í sumar Veiði Kort af friðlandi rjúpna á Reykjanesi Veiði Sporðaköst fengu grænt ljós frá Eric Clapton: „I love it“ Veiði Veiðiferð til Belize í vinning Veiði Varar jarðeigendur við yfirgangi Þingvallaþjóðgarðs Veiði Félag ungra í skot og stangveiði Veiði Eystri Rangá með flesta veidda laxa í vikunni Veiði Er sumarflugan 2014 fundin? Veiði Að prófa eitthvað nýtt í litlu vatni Veiði Þrjár nauðsynlegar laxaflugur í boxið Veiði