Strembið en gaman 25. október 2016 15:30 Þau Fanney Edda Felixdóttir og Sindri Snær Konráðsson fara með aðalhlutverkin í Litlu hryllingsbúðinni sem var frumsýnd síðasta föstudag á Akureyri. MYND/AUÐUNN NÍELSSON KYNNING: Leikfélag Verkmenntaskólans á Akureyri (VMA) frumsýndi söngleikinn Litlu hryllingsbúðina í Samkomuhúsinu á Akureyri síðasta föstudagskvöld við mikil fagnaðarlæti sýningargesta. Söngleikurinn er með vinsælli og þekktari söngleikjum sögunnar og hefur margoft verið settur upp hér á landi af atvinnuleikhúsum og leikfélögum framhaldsskóla við miklar vinsældir. Mikið hefur mætt á leikurum og aðstandendum sýningarinnar undanfarnar vikur enda í nógu að snúast fyrir svo viðamikla uppfærslu. Aðalhlutverk sýningarinnar eru í höndum þeirra Fanneyjar Eddu Felixdóttur og Sindra Snæs Konráðssonar en þau fara með hlutverk Auðar og Baldurs. Þau segja undanfarnar vikur hafa einkennst bæði af spennu og mikilli vinnu en bæði hafa þau brennandi áhuga á leiklist. „Ég hef verið að syngja síðan ég man eftir mér og leiklistin fylgdi í kjölfarið,“ segir Sindri. „Síðan 2012 hef ég leikið í um tíu leiksýningum, leikstýrt einni og sungið mikið á Akureyri og í nágrenni. Ástæðan fyrir því að ég tók þátt í þessu verki er einfaldlega sú að þetta er einn af mínum uppáhaldssöngleikjum.“Hugað að leikmyndinni.Skemmtilegur tímiLitla hryllingsbúðin er annað verkið sem Fanney tekur þátt í. „Á síðustu önn tók ég þátt í leikritinu Bjart með köflum sem VMA setti upp. Ég ákvað að fara í áheyrnarprufu fyrir Litlu hryllingsbúðina því mig dreymir um að verða leikkona þegar ég verð eldri. Þannig að ég reyni að grípa öll tækifæri sem mér bjóðast og tengjast leiklist.“ Þau eru sammála um að æfingaferlið hafi verið afar strembið en um leið mjög skemmtilegt. Auk þess hafi öll samvinna milli leikara og leikstjórans verið mjög góð. „Það sem kom mér helst á óvart var hvað hópurinn náði strax vel saman og allir urðu mjög góðir vinir,“ segir Sindri. Fanney segir að þrátt fyrir krefjandi og erfitt æfingaferli hafi hún aldrei skemmt sér eins vel. „Þetta er æðislegur hópur og það er svo gaman að æfa og sjá sýninguna vaxa og dafna, alveg frá fyrsta samlestri og þar til verkið var frumsýnt á föstudaginn. Sjálf er ég líka búin að læra heilmikið, bæði um sjálfa mig og um leiklist. Það sem kom mér helst á óvart var einfaldlega ég sjálf. Ég bjóst alls ekki við að fá hlutverk, sérstaklega ekki sönghlutverk, því ég hef aldrei sungið opinberlega áður. Í æfingaferlinu er ég búin að læra svo margt og gera svo marga hluti sem ég bjóst aldrei við að ég gæti.“Lögin í sýningunni voru æfð vel.Miklar væntingarÞótt verkið sé heimsþekkt reynir hópurinn að setja sitt mark á sýninguna að sögn Sindra. „Við reynum að fylgja verkinu í bland við nýjungar. Við unnum karakterana mikið út frá okkur sjálfum og lýsingum úr handritinu. Leikmyndin er öll okkar en við höldum gömlu góðu lögunum.“ Fanney bendir á að í öllum uppsetningum á verkinu hefur Auður verið ljóskutýpan og tannlæknirinn verið svarthærður. „Í uppsetningu okkar er ég lituð dökkhærð og tannlæknirinn er ljóshærður. En þetta er bara brot af því sem greinir okkur frá öðrum uppsetningum, við reynum að gera sýninguna algjörlega að okkar eigin.“ Sýningin er sú stærsta sem VMA hefur tekið þátt í og væntingarnar því miklar. „Fyrirfram voru væntingarnar í botni fyrir frumsýninguna. Við vonum sannarlega að fólk á Akureyri og í nágrenni komi til með að mæta á næstu sýningar. Það skiptir miklu máli að þetta heppnist sem best því það opnar fleiri möguleika fyrir leiksýningar og bara almennt félagslíf skólans í framtíðinni.“ Næstu sýningar verða föstudaginn 28. október og tvær sýningar verða laugardaginn 29. október.Nánari upplýsingar má finna á Facebook, bæði á síðu nemendafélags VMA (Þórduna) og á Litla hryllingsbúðin. Miðar eru seldir á mak.is og tix.is. Mest lesið Kaupsamningum fjölgar en mikið ójafnvægi á leigumarkaði Viðskipti innlent Hætta við hlutafjárútboð og skráningu Íslandshótela Viðskipti innlent Fetar í fótspor forverans og vildi einn lækka vexti Viðskipti innlent Ráðinn markaðsstjóri Bílabúðar Benna Viðskipti innlent Bein útsending: Efnahagsráðstefna í Reykjavík Viðskipti innlent Ingu Tinnu hjá Dineout gjörsamlega ofboðið Viðskipti innlent Hátt verð fæli ferðamanninn frá Íslandi Viðskipti innlent AGS leggur til skattahækkanir Viðskipti innlent Eignast Securitas að fullu Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Fleiri fréttir Bein útsending: Opinn kynningarfundur vegna útboðs Íslandshótela Greiðsluáskorun VÍS gefið yfir 1.100 fjölskyldum barnabílspegla í sængurgjöf Hraðhleðslur spretta upp sem gorkúlur - tvær opna á Þórshöfn Nýjung í bílaviðskiptum á netinu – Bland og Frágangur í samstarf Polestar 4 kominn í Polestar Reykjavík – umhverfisvænasti bíll Polestar Einstakt tækifæri til að sjá einn merkasta sportbíl sögunna - Porsche 911 Dakar Hver verður Iðnaðarmaður ársins 2024 - kosning Kolefnasporlausir bílar fyrir 2030? Polestar er með plan Neytendur kunna að meta Landlaxinn og Landbleikjuna Dýrmætustu og sjaldgæfustu Mustang bílar landsins á afmælissýningu Mustang Tölum um neytendamál! Mættu tímanlega í pallaráðgjöf hjá BYKO Bíllinn leggur meðan ég fæ mér drykk - smart #3 reynsluakstur GreenCoat er umhverfisvænasta litaða stálklæðningin sem völ er á Nú er hægt að elta góða veðrið um landið með kortavef Já.is Einblína á trausta ávöxtun til langs tíma Fjölbreytt vöruúrval og ein bestu verð hérlendis Toyota sýnir úrvals fyrirtækjabíla á Verk og vit Nýr Toyota Yaris Hybrid frumsýndur á laugardag Leið eins og stjórnanda geimskips Hver verður iðnaðarmaður ársins 2024? Sjá meira
KYNNING: Leikfélag Verkmenntaskólans á Akureyri (VMA) frumsýndi söngleikinn Litlu hryllingsbúðina í Samkomuhúsinu á Akureyri síðasta föstudagskvöld við mikil fagnaðarlæti sýningargesta. Söngleikurinn er með vinsælli og þekktari söngleikjum sögunnar og hefur margoft verið settur upp hér á landi af atvinnuleikhúsum og leikfélögum framhaldsskóla við miklar vinsældir. Mikið hefur mætt á leikurum og aðstandendum sýningarinnar undanfarnar vikur enda í nógu að snúast fyrir svo viðamikla uppfærslu. Aðalhlutverk sýningarinnar eru í höndum þeirra Fanneyjar Eddu Felixdóttur og Sindra Snæs Konráðssonar en þau fara með hlutverk Auðar og Baldurs. Þau segja undanfarnar vikur hafa einkennst bæði af spennu og mikilli vinnu en bæði hafa þau brennandi áhuga á leiklist. „Ég hef verið að syngja síðan ég man eftir mér og leiklistin fylgdi í kjölfarið,“ segir Sindri. „Síðan 2012 hef ég leikið í um tíu leiksýningum, leikstýrt einni og sungið mikið á Akureyri og í nágrenni. Ástæðan fyrir því að ég tók þátt í þessu verki er einfaldlega sú að þetta er einn af mínum uppáhaldssöngleikjum.“Hugað að leikmyndinni.Skemmtilegur tímiLitla hryllingsbúðin er annað verkið sem Fanney tekur þátt í. „Á síðustu önn tók ég þátt í leikritinu Bjart með köflum sem VMA setti upp. Ég ákvað að fara í áheyrnarprufu fyrir Litlu hryllingsbúðina því mig dreymir um að verða leikkona þegar ég verð eldri. Þannig að ég reyni að grípa öll tækifæri sem mér bjóðast og tengjast leiklist.“ Þau eru sammála um að æfingaferlið hafi verið afar strembið en um leið mjög skemmtilegt. Auk þess hafi öll samvinna milli leikara og leikstjórans verið mjög góð. „Það sem kom mér helst á óvart var hvað hópurinn náði strax vel saman og allir urðu mjög góðir vinir,“ segir Sindri. Fanney segir að þrátt fyrir krefjandi og erfitt æfingaferli hafi hún aldrei skemmt sér eins vel. „Þetta er æðislegur hópur og það er svo gaman að æfa og sjá sýninguna vaxa og dafna, alveg frá fyrsta samlestri og þar til verkið var frumsýnt á föstudaginn. Sjálf er ég líka búin að læra heilmikið, bæði um sjálfa mig og um leiklist. Það sem kom mér helst á óvart var einfaldlega ég sjálf. Ég bjóst alls ekki við að fá hlutverk, sérstaklega ekki sönghlutverk, því ég hef aldrei sungið opinberlega áður. Í æfingaferlinu er ég búin að læra svo margt og gera svo marga hluti sem ég bjóst aldrei við að ég gæti.“Lögin í sýningunni voru æfð vel.Miklar væntingarÞótt verkið sé heimsþekkt reynir hópurinn að setja sitt mark á sýninguna að sögn Sindra. „Við reynum að fylgja verkinu í bland við nýjungar. Við unnum karakterana mikið út frá okkur sjálfum og lýsingum úr handritinu. Leikmyndin er öll okkar en við höldum gömlu góðu lögunum.“ Fanney bendir á að í öllum uppsetningum á verkinu hefur Auður verið ljóskutýpan og tannlæknirinn verið svarthærður. „Í uppsetningu okkar er ég lituð dökkhærð og tannlæknirinn er ljóshærður. En þetta er bara brot af því sem greinir okkur frá öðrum uppsetningum, við reynum að gera sýninguna algjörlega að okkar eigin.“ Sýningin er sú stærsta sem VMA hefur tekið þátt í og væntingarnar því miklar. „Fyrirfram voru væntingarnar í botni fyrir frumsýninguna. Við vonum sannarlega að fólk á Akureyri og í nágrenni komi til með að mæta á næstu sýningar. Það skiptir miklu máli að þetta heppnist sem best því það opnar fleiri möguleika fyrir leiksýningar og bara almennt félagslíf skólans í framtíðinni.“ Næstu sýningar verða föstudaginn 28. október og tvær sýningar verða laugardaginn 29. október.Nánari upplýsingar má finna á Facebook, bæði á síðu nemendafélags VMA (Þórduna) og á Litla hryllingsbúðin. Miðar eru seldir á mak.is og tix.is.
Mest lesið Kaupsamningum fjölgar en mikið ójafnvægi á leigumarkaði Viðskipti innlent Hætta við hlutafjárútboð og skráningu Íslandshótela Viðskipti innlent Fetar í fótspor forverans og vildi einn lækka vexti Viðskipti innlent Ráðinn markaðsstjóri Bílabúðar Benna Viðskipti innlent Bein útsending: Efnahagsráðstefna í Reykjavík Viðskipti innlent Ingu Tinnu hjá Dineout gjörsamlega ofboðið Viðskipti innlent Hátt verð fæli ferðamanninn frá Íslandi Viðskipti innlent AGS leggur til skattahækkanir Viðskipti innlent Eignast Securitas að fullu Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Fleiri fréttir Bein útsending: Opinn kynningarfundur vegna útboðs Íslandshótela Greiðsluáskorun VÍS gefið yfir 1.100 fjölskyldum barnabílspegla í sængurgjöf Hraðhleðslur spretta upp sem gorkúlur - tvær opna á Þórshöfn Nýjung í bílaviðskiptum á netinu – Bland og Frágangur í samstarf Polestar 4 kominn í Polestar Reykjavík – umhverfisvænasti bíll Polestar Einstakt tækifæri til að sjá einn merkasta sportbíl sögunna - Porsche 911 Dakar Hver verður Iðnaðarmaður ársins 2024 - kosning Kolefnasporlausir bílar fyrir 2030? Polestar er með plan Neytendur kunna að meta Landlaxinn og Landbleikjuna Dýrmætustu og sjaldgæfustu Mustang bílar landsins á afmælissýningu Mustang Tölum um neytendamál! Mættu tímanlega í pallaráðgjöf hjá BYKO Bíllinn leggur meðan ég fæ mér drykk - smart #3 reynsluakstur GreenCoat er umhverfisvænasta litaða stálklæðningin sem völ er á Nú er hægt að elta góða veðrið um landið með kortavef Já.is Einblína á trausta ávöxtun til langs tíma Fjölbreytt vöruúrval og ein bestu verð hérlendis Toyota sýnir úrvals fyrirtækjabíla á Verk og vit Nýr Toyota Yaris Hybrid frumsýndur á laugardag Leið eins og stjórnanda geimskips Hver verður iðnaðarmaður ársins 2024? Sjá meira