Scarlett Johanson er hæstlaunaða leikkona ársins 2016

Scarlett Johanson hefur fengið þann eftirsótta titil af Forbes tímaritinu að vera hæstlaunaða leikkona ársins 2016.

Scarlett hefur svo sannarlega ekki setið auðum höndum þetta árið en hún hefur verið í aðalhlutverkum í Marvel myndinni Captain America: Civil War sem og í mynd Cohen bræðranna Hail Caesar. Myndirnar höluðu inn 978 millljónum punda á heimsvísu þetta árið.

Meðleikarar hennar úr Marvel seríunum Chris Evans og Robert Downey Jr. fylgja fast á hæla hennar báðir í öðru sæti. Margot Robbie er einnig í einu toppsætinu eftir að hafa leikið í hinni umdeildu Suicide Squad en Amy Adams ásamt Felicity Jones eiga þarna einnig sæti.