Gunnar Hrafn tjáir sig um veikindin: „Þessi sjúkdómur er tabú“ Lillý Valgerður Pétursdóttir og Nína Hjördís Þorkelsdóttir skrifa 21. desember 2016 19:43 Gunnar Hrafn Jónsson, nýr alþingismaður Pírata, setti inn færslu á Facebook í gær þar sem hann greindi frá alvarlegu þunglyndi sem hann glímir við um þessar mundir. Hann hefur tekið sér tímabundið leyfi frá störfum sínum á Alþingi vegna veikindanna. Inntur eftir ástæðu fyrir því hvers vegna hann ákvað að stíga fram og segja frá veikindum sínum núna segir Gunnar að enn sé algengt að fólk sem þjáist af þunglyndi beri harm sinn í hljóði. Sú staðreynd að þunglyndi skuli vera tabú sé alvarlegt vandamál. „Ég veit að það eru margir í þessu samfélagi sem þjást,“ segir Gunnar en hann fékk mikil viðbrögð í kjölfar færslu sinnar í gær. „Ég hef ekki við að svara fólki sem er að koma „út úr skápnum“ með sitt þunglyndi og þorir ekki að segja frá.“Fleiri deyja af völdum sjálfsmorðs en í umferðinniGunnar telur að þörf sé á vitundarvakningu og að vandamálið felist fyrst og fremst í því að fólk vilji ekki horfast í augu við sjúkdóminn. Hann bendir á að almennt deyi fleiri af völdum sjálfsvígs en í umferðarslysum á ári hverju. „Mér finnst við vera að gera góða hluti í forvörnum varðandi banaslys í umferðinni en það er eins og fólk vilji ekki horfast í augu við að þetta sé eitthvað sem getur komið fyrir það sjálft eða nákomna.“ Gunnar bendir á að árið 2014 féllu 49 manns fyrir eigin hendi en sama ár létust aðeins fjórir í umferðinni.Hefur verið hvattur til þess að fara alla leiðÞótt viðbrögð Gunnars við færslunni í gær hafi langflest verið af jákvæðum toga segir hann að honum hafi einnig borist hatursfull skilaboð. „Ég hef fengið á mig árásir og ég hef verið hvattur til þess að ganga alla leið og fyrirfara mér,“ segir Gunnar. Honum hafi verið bent á að hann ætti ekki að vera á launum hjá ríkinu og að hann hefði ekki átt að sækja um starf alþingismanns. „Ég velti fyrir mér hver viðbrögðin hefðu verið ef ég hefði fengið botnlangabólgu eða verið sykursjúkur. Mér finnst þetta vera gríðarlegir fordómar,“ segir Gunnar. Hann tekur fram að honum þyki síst af öllu skemmtilegt að opinbera veikindi sín fyrir þjóðinni. „Ég er ekki að gera þetta að neinu leyti vega þess að mér þykir gaman að standa fyrir framan alþjóð og opinbera mín veikustu sár. Ég er einungis að gera þetta vegna þess að ég þekki persónulega þrjá mjög góða vini sem hafa fallið frá af völdum þessa sjúkdóms. Við þurfum að efla heilbrigðiskerfið og það verður efst á baugi hjá mér þegar ég kem aftur úr veikindaleyfi. Við verðum að hjálpa þessu fólki.“ Aðspurður um hvort honum hafi erfitt að stíga skrefið og greina frá veikindum segir hann að svo hafi vissulega verið. „Mér fannst vera réttast sem alþingismaður að greina mínum kjósendum frá því hvernig ástandið væri á mér og um leið að taka tabúið burt“Áfengismeðferðin breytti ölluGunnar hafði verið laus við þunglyndið í nokkurn tíma þangað til þess að sjúkdómurinn knúði dyra nú fyrir skemmstu. „Ég var búinn að vera góður í rúmt ár. Ég fór í áfengismeðferð í fyrra og hún breytti í raun og veru lífi mínu.“ Gunnar segir að árið hafi verið gott, eftir áfengismeðferðina náði hann betri tengslum við dóttur sína og fjölskyldu. Þess auki náði hann kjöri á Alþingi nú í haust. „Allt hefur í raun og veru verið eins og dans á rósum þangað til boðefnin í höfðinu á mér fóru að segja eitthvað annað.“ Gunnar lýsir sjúkdómnum sem algjöru svartnætti. „Maður missir allan vilja til allra verka, hættir að hirða sjálfan sig og aðra og hafa samband við vini sína. Maður einangrar sig og bara líður vítiskvalir. Maður grætur einn uppi í rúmi heilu dagana án þess að gera neitt eða fara út eða borða eða gera neitt,“ segir Gunnar. Hann telur þó að með góðri meðferð og réttum lyfjum sé hægt að ná sér af sjúkdómnum. „Ég hef veikst tvisvar alvarlega af þessu [þunglyndi]. Ég komst upp úr því einu sinni og mun gera það aftur. Það er hægt að sleppa við þetta, þú þarft ekki að deyja.“Ætlaði að fyrirfara sér ásamt besta vini sínumGunnar segist hugsa daglega um sjálfsvíg þegar hann er langt niðri. Þegar fólk geti ekki hugsað um neitt jákvætt sé oft ekkert annað í stöðunni. „Þegar maður getur ekki hugsað sér neitt jákvætt þá er bara ein leið út. Þetta er leiðin sem um fimmtíu manns á Íslandi fara á hverju ári,“ segir Gunnar og ítrekar að með eflingu heilbrigðiskerfisins sé hægt að lækka þessa tölu. „Þegar ég kem aftur á þing þá mun ég verða tvíefldur við að bæta þetta kerfi og bjarga þessum mannslífum.“ Gunnar hefur sjálfur reynt sjálfsvíg oftar en einu sinni. „Versta tilfellið var þegar ég og besti vinur minn ætluðum að fyrirfara okkur saman. Ég hætti við á síðustu stundu og reyndi að elta hann uppi. Ég missti hins vegar af honum og hann fannst í fjörunni næsta morgun.“ Gunnar segir að bann við allri vímuefnaneyslu, reglulegar heimsóknir til sálfræðings eða geðlæknis og rétt lyf hafi hjálpað honum í glímunni við þunglyndi. Ýmislegt sé til ráða fyrir þá sem glíma við þennan lúmska sjúkdóm. „Það eru alls konar möguleikar og alls konar von.“ Alþingi Tengdar fréttir Þingmaður tekur sér tímabundið leyfi vegna þunglyndis Gunnar Hrafn segist vilja sýna gott fordæmi sem þingmaður í baráttunni við veikindi sín. 20. desember 2016 19:32 Mest lesið Losuðu stúlku úr „prísund“ við Háskólabíó Innlent Vill losna við lífverði Bjarna úr þinghúsinu Innlent Ísland orðið „pínkulítið lélegra og leiðinlegra“ Innlent Heimtaði að allir í bænum töluðu íslensku Innlent Tilkynntu um ekki yfirvofandi eldgos Innlent Tónlistarmaðurinn Róbert Örn er fallinn frá Innlent Lést eftir að hafa fengið rafstraum í heitum potti Erlent Eigandi Gríska hússins: „Erum við einhver mafía?“ Innlent Stefna á að lækna Parkinson með ígræðslu stofnfruma Innlent Brenna landnámsbæ til kaldra kola í tilraunaskyni Innlent Fleiri fréttir Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Stefna á að lækna Parkinson með ígræðslu stofnfruma Ísland orðið „pínkulítið lélegra og leiðinlegra“ Tilkynntu um ekki yfirvofandi eldgos Losuðu stúlku úr „prísund“ við Háskólabíó Miðflokksmenn íhuga að leggja fram vantrauststillögu Frumvarp um bætta stöðu leigjenda strandar hjá ríkisstjórn Fleiri aðildarfélög BSRB semja við ríkið Sérsveitin kölluð til vegna byssu sem reyndist leikfang Sjá meira
Gunnar Hrafn Jónsson, nýr alþingismaður Pírata, setti inn færslu á Facebook í gær þar sem hann greindi frá alvarlegu þunglyndi sem hann glímir við um þessar mundir. Hann hefur tekið sér tímabundið leyfi frá störfum sínum á Alþingi vegna veikindanna. Inntur eftir ástæðu fyrir því hvers vegna hann ákvað að stíga fram og segja frá veikindum sínum núna segir Gunnar að enn sé algengt að fólk sem þjáist af þunglyndi beri harm sinn í hljóði. Sú staðreynd að þunglyndi skuli vera tabú sé alvarlegt vandamál. „Ég veit að það eru margir í þessu samfélagi sem þjást,“ segir Gunnar en hann fékk mikil viðbrögð í kjölfar færslu sinnar í gær. „Ég hef ekki við að svara fólki sem er að koma „út úr skápnum“ með sitt þunglyndi og þorir ekki að segja frá.“Fleiri deyja af völdum sjálfsmorðs en í umferðinniGunnar telur að þörf sé á vitundarvakningu og að vandamálið felist fyrst og fremst í því að fólk vilji ekki horfast í augu við sjúkdóminn. Hann bendir á að almennt deyi fleiri af völdum sjálfsvígs en í umferðarslysum á ári hverju. „Mér finnst við vera að gera góða hluti í forvörnum varðandi banaslys í umferðinni en það er eins og fólk vilji ekki horfast í augu við að þetta sé eitthvað sem getur komið fyrir það sjálft eða nákomna.“ Gunnar bendir á að árið 2014 féllu 49 manns fyrir eigin hendi en sama ár létust aðeins fjórir í umferðinni.Hefur verið hvattur til þess að fara alla leiðÞótt viðbrögð Gunnars við færslunni í gær hafi langflest verið af jákvæðum toga segir hann að honum hafi einnig borist hatursfull skilaboð. „Ég hef fengið á mig árásir og ég hef verið hvattur til þess að ganga alla leið og fyrirfara mér,“ segir Gunnar. Honum hafi verið bent á að hann ætti ekki að vera á launum hjá ríkinu og að hann hefði ekki átt að sækja um starf alþingismanns. „Ég velti fyrir mér hver viðbrögðin hefðu verið ef ég hefði fengið botnlangabólgu eða verið sykursjúkur. Mér finnst þetta vera gríðarlegir fordómar,“ segir Gunnar. Hann tekur fram að honum þyki síst af öllu skemmtilegt að opinbera veikindi sín fyrir þjóðinni. „Ég er ekki að gera þetta að neinu leyti vega þess að mér þykir gaman að standa fyrir framan alþjóð og opinbera mín veikustu sár. Ég er einungis að gera þetta vegna þess að ég þekki persónulega þrjá mjög góða vini sem hafa fallið frá af völdum þessa sjúkdóms. Við þurfum að efla heilbrigðiskerfið og það verður efst á baugi hjá mér þegar ég kem aftur úr veikindaleyfi. Við verðum að hjálpa þessu fólki.“ Aðspurður um hvort honum hafi erfitt að stíga skrefið og greina frá veikindum segir hann að svo hafi vissulega verið. „Mér fannst vera réttast sem alþingismaður að greina mínum kjósendum frá því hvernig ástandið væri á mér og um leið að taka tabúið burt“Áfengismeðferðin breytti ölluGunnar hafði verið laus við þunglyndið í nokkurn tíma þangað til þess að sjúkdómurinn knúði dyra nú fyrir skemmstu. „Ég var búinn að vera góður í rúmt ár. Ég fór í áfengismeðferð í fyrra og hún breytti í raun og veru lífi mínu.“ Gunnar segir að árið hafi verið gott, eftir áfengismeðferðina náði hann betri tengslum við dóttur sína og fjölskyldu. Þess auki náði hann kjöri á Alþingi nú í haust. „Allt hefur í raun og veru verið eins og dans á rósum þangað til boðefnin í höfðinu á mér fóru að segja eitthvað annað.“ Gunnar lýsir sjúkdómnum sem algjöru svartnætti. „Maður missir allan vilja til allra verka, hættir að hirða sjálfan sig og aðra og hafa samband við vini sína. Maður einangrar sig og bara líður vítiskvalir. Maður grætur einn uppi í rúmi heilu dagana án þess að gera neitt eða fara út eða borða eða gera neitt,“ segir Gunnar. Hann telur þó að með góðri meðferð og réttum lyfjum sé hægt að ná sér af sjúkdómnum. „Ég hef veikst tvisvar alvarlega af þessu [þunglyndi]. Ég komst upp úr því einu sinni og mun gera það aftur. Það er hægt að sleppa við þetta, þú þarft ekki að deyja.“Ætlaði að fyrirfara sér ásamt besta vini sínumGunnar segist hugsa daglega um sjálfsvíg þegar hann er langt niðri. Þegar fólk geti ekki hugsað um neitt jákvætt sé oft ekkert annað í stöðunni. „Þegar maður getur ekki hugsað sér neitt jákvætt þá er bara ein leið út. Þetta er leiðin sem um fimmtíu manns á Íslandi fara á hverju ári,“ segir Gunnar og ítrekar að með eflingu heilbrigðiskerfisins sé hægt að lækka þessa tölu. „Þegar ég kem aftur á þing þá mun ég verða tvíefldur við að bæta þetta kerfi og bjarga þessum mannslífum.“ Gunnar hefur sjálfur reynt sjálfsvíg oftar en einu sinni. „Versta tilfellið var þegar ég og besti vinur minn ætluðum að fyrirfara okkur saman. Ég hætti við á síðustu stundu og reyndi að elta hann uppi. Ég missti hins vegar af honum og hann fannst í fjörunni næsta morgun.“ Gunnar segir að bann við allri vímuefnaneyslu, reglulegar heimsóknir til sálfræðings eða geðlæknis og rétt lyf hafi hjálpað honum í glímunni við þunglyndi. Ýmislegt sé til ráða fyrir þá sem glíma við þennan lúmska sjúkdóm. „Það eru alls konar möguleikar og alls konar von.“
Alþingi Tengdar fréttir Þingmaður tekur sér tímabundið leyfi vegna þunglyndis Gunnar Hrafn segist vilja sýna gott fordæmi sem þingmaður í baráttunni við veikindi sín. 20. desember 2016 19:32 Mest lesið Losuðu stúlku úr „prísund“ við Háskólabíó Innlent Vill losna við lífverði Bjarna úr þinghúsinu Innlent Ísland orðið „pínkulítið lélegra og leiðinlegra“ Innlent Heimtaði að allir í bænum töluðu íslensku Innlent Tilkynntu um ekki yfirvofandi eldgos Innlent Tónlistarmaðurinn Róbert Örn er fallinn frá Innlent Lést eftir að hafa fengið rafstraum í heitum potti Erlent Eigandi Gríska hússins: „Erum við einhver mafía?“ Innlent Stefna á að lækna Parkinson með ígræðslu stofnfruma Innlent Brenna landnámsbæ til kaldra kola í tilraunaskyni Innlent Fleiri fréttir Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Stefna á að lækna Parkinson með ígræðslu stofnfruma Ísland orðið „pínkulítið lélegra og leiðinlegra“ Tilkynntu um ekki yfirvofandi eldgos Losuðu stúlku úr „prísund“ við Háskólabíó Miðflokksmenn íhuga að leggja fram vantrauststillögu Frumvarp um bætta stöðu leigjenda strandar hjá ríkisstjórn Fleiri aðildarfélög BSRB semja við ríkið Sérsveitin kölluð til vegna byssu sem reyndist leikfang Sjá meira
Þingmaður tekur sér tímabundið leyfi vegna þunglyndis Gunnar Hrafn segist vilja sýna gott fordæmi sem þingmaður í baráttunni við veikindi sín. 20. desember 2016 19:32