Þingflokkur Sjálfstæðisflokksins fundar

Þingflokkur Sjálfstæðisflokksins situr nú á fundi sem hófst klukkan tíu. Ekki er ljóst hvað er rætt á fundinum, en líklur eru á að möguleikar um myndun ríkisstjórnar séu til umræðu.

Engin tíðindi hafa borist af stjórnarmyndun síðan um helgina. Forseti Íslands ákvað fyrir helgi að veita engum tilteknum einstakling umboð til stjórnarmyndunar og hvatti til að allir flokkar ræddu saman.

Formenn Sjálfstæðisflokks, Viðreisnar og Bjartrar framtíðar funduðu um helgina en flokkarnir höfðu áður slitið formlegum viðræðum.

Benedikt Jóhannesson, formaður Viðreisnar, staðfesti við Vísi í morgun að engir fundir milli formanna flokkanna séu á dagskrá í dag.