Stóraukin þjónusta Flugrútunnar á Suðurlandi með nýrri akstursleið

KYNNING:Reykjavik Excursions – Kynnisferðir hafa stóraukið þjónustu við íbúa og ferðaþjónustu á Suðurlandi en fyrirtækið hefur nú hafið akstur frá Flugstöð Leifs Eiríkssonar til Hvolsvallar með fjórum stoppum. Áætlað er að auka enn við þjónustu Flugrútunnar næsta sumar.



„Akstur Flugrútunnar á Suðurland er viðbót við þjónustu okkar og mikil lyftistöng fyrir jafnt ferðaþjónustu og íbúa á Suðurlandi en stoppað verður í Hveragerði, á Selfossi, Hellu og Hvolsvelli,“ segir Kristján Daníelsson, forstjóri Reykjavík Excursions – Kynnisferða.

Um er að ræða nýja þjónustu Flugrútunnar á Suðurlandi, sem tengir hótel og gististaði á Suðurlandi beint við Flugstöð Leifs Eiríkssonar kvölds og morgna.

Minnkar árstíðasveiflur



Þjónusta Flugrútunnar á Suðurlandi mun ná frá Flugstöðinni að og í gegnum BSÍ, þaðan yfir Hellisheiðina með stoppum í Hveragerði, á Selfossi, Hellu og á Hvolsvelli. Á leið sinni til baka ekur Flugrútan beinustu leið að Flugstöðinni á Keflavíkurflugvelli, án þess að stoppa á BSÍ. Að vori tengist Flugrútan leiðakerfi „Iceland on your Own“ um Ísland.

Kristján segist vona að akstur Flugrútunnar á Suðurland minnki árstíðasveiflur hótela og gistiheimila á þessu svæði.

„Við erum með þessu að mæta beiðni ferðaþjónustunnar á Suðurlandi, en hótel og gististaðir hafa beðið eftir þessari viðbót. Þetta er líka eðlileg þróun á okkar leiðakerfi. Flugrútan er umfangsmikil akstursþjónusta sem starfrækt er milli Flugstöðvarinnar og Reykjavíkur og verður þessi nýjung til þess að efla hana enn frekar,“ segir Kristján en Reykjavík Excursions hefur rekið Flugrútuna, á milli Flugstöðvar Leifs Eiríkssonar og Reykjavíkur, frá árinu 1979.

Flugrútan á Suðurlandi

• Stóraukin þjónusta við íbúa og ferðaþjónustu á Suðurlandi
• Stoppar á fjórum stöðum
• Tvær brottfarir á dag
• Bein tenging við Reykjavík og Flugstöð Leifs Eiríkssonar

Flugrútan keyrir í samræmi við komur og brottfarir allra fluga á Keflavíkurflugvelli. Síðar var „pick up“ og „drop off“ þjónustu bætt við, þar sem ekið er á milli hótela eða gistiheimila og BSÍ.

Gæðavottun



Reykjavik Excursions – Kynnisferðir er með gullvottun Vakans og er jafnframt vottað sem ferðaþjónustufyrirtæki af honum. Vakinn er gæða- og umhverfiskerfi ferðaþjónustunnar á Íslandi.

Eins var fyrirtækið fyrsta ferðaþjónustufyrirtæki Íslands sem fékk ISO 14001 umhverfisvottun frá The British Standard Institution (BSI).

Sérsniðnar ferðir



Kynnisferðir – Reykjavik Excursions er eitt stærsta ferðaþjónustufyrirtæki á landinu og býður upp á margar gerðir ferða fyrir hópa og einstaklinga. Fjölbreyttur rútufloti fyrirtækisins gerir það mögulegt að sérsníða ferðir fyrir hópa af öllum stærðum og gerðum. Eins rekur Reykjavik Excursions Iceland on Your Own, áætlunarferðir um allt land sem henta ferðamönnum sem vilja ferðast um landið án þess að leigja bíl.

Bílaleiga nýleg viðbót



Bílaleigan Enterprise Rent-A-Car er nýjasta eining Reykjavik Excursions og býður upp á margvíslega bíla á samkeppnishæfu verði ásamt langtímaleigu. Langtímaleigan er ný þjónusta sem byrjað var að bjóða upp á nú í haust.