Átján mánaða fangelsi fyrir alvarleg og ítrekuð ofbeldisbrot gagnvart fimm börnum sínum Sunna Karen Sigurþórsdóttir skrifar 28. september 2016 17:47 Dómurinn var kveðinn upp í Héraðsdómi Reykjavíkur í gær. Vísir/Valli Þrjátíu og fjögurra ára kona hefur verið dæmd í átján mánaða fangelsi fyrir alvarleg og langvarandi ofbeldisbrot gagnvart fimm ungum börnum sínum. Um er að ræða börn frá aldrinum þriggja til fjórtán ára. Konan var sökuð um að hafa ítrekað beitt börn sín andlegum og líkamlegum refsingum, haft í hótunum við þau, ógnað þeim, sýnt þeim vanvirðandi háttsemi, sært þau og móðgað. Hún er sögð hafa í nokkur skipti sparkað í líkama eldri barna sinna, dóttur sinni fæddri 2002 og tveimur sonum sínum fæddum 2004 og 2007, slegið þau, togað í hár þeirra, hrint þeim og slegið þeim utan í veggi og hluti, tekið þau kverkataki, kastað hlutum í þau, læst þau úti og haft í hótunum um að gera þeim illt eða drepa þau. Þá var hún sökuð um að hafa sagt að hún vildi að börnin væru dauð, að hún hati þau og að hún vildi að þau hefðu aldrei fæðst, og kallað þau hóruunga, mother fuckera, hórur og mellur. Gagnvart yngri börnunum tveimur, tveimur drengjum fæddum 2012 og 2013, er hún sögð hafa tekið þá upp og hrist þá, hent þeim í rúm þegar hún var að svæfa þá, slegið þá í líkamann og tekið fyrir vit þeirra þegar þeir grétu.Reyndi að stinga barnsföður sinn Málefni barnanna höfðu verið í vinnslu hjá Barnavernd Reykjavíkur frá árinu 2005, en farið var fram á lögreglurannsókn árið 2015 á ætluðu ofbeldi konunnar gagnvart börnunum. Börnin staðfestu líkamlegt ofbeldi árið 2010 og voru í kjölfarið send á Vistheimili barna um hríð þar sem meðal annars var unnið með móðurinni við að bæta uppeldisaðferðir hennar. Að því loknu fóru börnin aftur í umsjá móðurinnar en skömmu síðar fékk Barnavernd tilkynningu um vanrækslu og ofbeldi í garð barnanna og að hegðun þeirra væri bæði hömlulaus og ofbeldisfull. Nokkru síðar barst önnur tilkynning frá lögreglu vegna heimilisofbeldis milli foreldra barnanna fyrir utan verslun, en konan er sögð hafa veist að barnsföður sínum með hníf fyrir utan verslun á meðan yngsta barnið fylgdist með. Börnin voru þá tekin úr umsjá konunnar.Sökuð um að hafa sett kodda yfir andlit barnsins Í gögnum málsins liggja fyrir fjöldi tilkynninga, meðal annars frá föður barnanna. Hann sagði konuna stjórnlausa og að börnin yrðu fyrir skaða hvort sem hann væri á heimilinu eða ekki. Hann sagði konuna hafa beitt börnin margvíslegu ofbeldi og að hún hefði meðal annars sett kodda yfir andlit sonar þeirra þegar hann hafi ekki viljað fara að sofa. Faðirinn sagði jafnframt að það væri kraftaverk að ekkert barnanna hefði dáið vegna ofbeldis konunnar. Ofbeldið hefði verið viðvarandi lengi en stigmagnast eftir því sem börnin hafi orðið fleiri. Öll börnin væru hrædd við hana og að hún beitti miklu andlegu ofbeldi í formi niðrandi tals svo sem: „Ég hata ykkur, ég vildi að þið væruð dauð, ég vildi að þið hefðuð verið blettur í lakinu og aldrei fæðst,“ að því er segir í dómnum. Faðirinn dró framburð sinn til baka í september 2015 og sagðist aldrei hafa séð konuna beita börnin ofbeldi. Dómurinn taldi breyttan framburð mannsins ótrúverðugan. Tilkynningar bárust einnig frá skólum barnanna og nágrönnum fjölskyldunnar. Konan neitaði sök og sagði málið byggjast á lygum barnsföður hennar. Sagði hún hann geðveikan og vilja eyðileggja líf hennar. Tilkynningar frá nágrönnum þeirra skýrði hún með því að þeir væru að hefna sín á henni. Þá segir í gögnum málsins að börnin hafi átt erfitt uppdráttar og búið við mikla vanlíðan og að einhverju marki sýnt af sér óeðlilega hegðun. Konunni var gert að greiða þeim samtals fjórar milljónir króna í bætur. Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Demókrötum kennt um og uppsögnum hótað Erlent Hafði hvorki þekkingu né umboð til að tjá sig um fjármálin Innlent Vilja heimila gjaldtöku vegna fjarheilbrigðisþjónustu og útkalls án flutnings Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Fleiri fréttir Vilja heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Sjá meira
Þrjátíu og fjögurra ára kona hefur verið dæmd í átján mánaða fangelsi fyrir alvarleg og langvarandi ofbeldisbrot gagnvart fimm ungum börnum sínum. Um er að ræða börn frá aldrinum þriggja til fjórtán ára. Konan var sökuð um að hafa ítrekað beitt börn sín andlegum og líkamlegum refsingum, haft í hótunum við þau, ógnað þeim, sýnt þeim vanvirðandi háttsemi, sært þau og móðgað. Hún er sögð hafa í nokkur skipti sparkað í líkama eldri barna sinna, dóttur sinni fæddri 2002 og tveimur sonum sínum fæddum 2004 og 2007, slegið þau, togað í hár þeirra, hrint þeim og slegið þeim utan í veggi og hluti, tekið þau kverkataki, kastað hlutum í þau, læst þau úti og haft í hótunum um að gera þeim illt eða drepa þau. Þá var hún sökuð um að hafa sagt að hún vildi að börnin væru dauð, að hún hati þau og að hún vildi að þau hefðu aldrei fæðst, og kallað þau hóruunga, mother fuckera, hórur og mellur. Gagnvart yngri börnunum tveimur, tveimur drengjum fæddum 2012 og 2013, er hún sögð hafa tekið þá upp og hrist þá, hent þeim í rúm þegar hún var að svæfa þá, slegið þá í líkamann og tekið fyrir vit þeirra þegar þeir grétu.Reyndi að stinga barnsföður sinn Málefni barnanna höfðu verið í vinnslu hjá Barnavernd Reykjavíkur frá árinu 2005, en farið var fram á lögreglurannsókn árið 2015 á ætluðu ofbeldi konunnar gagnvart börnunum. Börnin staðfestu líkamlegt ofbeldi árið 2010 og voru í kjölfarið send á Vistheimili barna um hríð þar sem meðal annars var unnið með móðurinni við að bæta uppeldisaðferðir hennar. Að því loknu fóru börnin aftur í umsjá móðurinnar en skömmu síðar fékk Barnavernd tilkynningu um vanrækslu og ofbeldi í garð barnanna og að hegðun þeirra væri bæði hömlulaus og ofbeldisfull. Nokkru síðar barst önnur tilkynning frá lögreglu vegna heimilisofbeldis milli foreldra barnanna fyrir utan verslun, en konan er sögð hafa veist að barnsföður sínum með hníf fyrir utan verslun á meðan yngsta barnið fylgdist með. Börnin voru þá tekin úr umsjá konunnar.Sökuð um að hafa sett kodda yfir andlit barnsins Í gögnum málsins liggja fyrir fjöldi tilkynninga, meðal annars frá föður barnanna. Hann sagði konuna stjórnlausa og að börnin yrðu fyrir skaða hvort sem hann væri á heimilinu eða ekki. Hann sagði konuna hafa beitt börnin margvíslegu ofbeldi og að hún hefði meðal annars sett kodda yfir andlit sonar þeirra þegar hann hafi ekki viljað fara að sofa. Faðirinn sagði jafnframt að það væri kraftaverk að ekkert barnanna hefði dáið vegna ofbeldis konunnar. Ofbeldið hefði verið viðvarandi lengi en stigmagnast eftir því sem börnin hafi orðið fleiri. Öll börnin væru hrædd við hana og að hún beitti miklu andlegu ofbeldi í formi niðrandi tals svo sem: „Ég hata ykkur, ég vildi að þið væruð dauð, ég vildi að þið hefðuð verið blettur í lakinu og aldrei fæðst,“ að því er segir í dómnum. Faðirinn dró framburð sinn til baka í september 2015 og sagðist aldrei hafa séð konuna beita börnin ofbeldi. Dómurinn taldi breyttan framburð mannsins ótrúverðugan. Tilkynningar bárust einnig frá skólum barnanna og nágrönnum fjölskyldunnar. Konan neitaði sök og sagði málið byggjast á lygum barnsföður hennar. Sagði hún hann geðveikan og vilja eyðileggja líf hennar. Tilkynningar frá nágrönnum þeirra skýrði hún með því að þeir væru að hefna sín á henni. Þá segir í gögnum málsins að börnin hafi átt erfitt uppdráttar og búið við mikla vanlíðan og að einhverju marki sýnt af sér óeðlilega hegðun. Konunni var gert að greiða þeim samtals fjórar milljónir króna í bætur.
Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Demókrötum kennt um og uppsögnum hótað Erlent Hafði hvorki þekkingu né umboð til að tjá sig um fjármálin Innlent Vilja heimila gjaldtöku vegna fjarheilbrigðisþjónustu og útkalls án flutnings Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Fleiri fréttir Vilja heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Sjá meira