Þorsteinn úr leik

Þorsteinn Halldórsson er úr leik í bogfimikeppninni á Ólympíumóti fatlaðra í Ríó.

Þorsteinn laut í lægra haldi fyrir Bandaríkjamanninum Kj Polish í 32-manna úrslitum.

Polish vann með 14 stigum, 143-129. Bandaríkjamaðurinn byrjaði mun betur en Þorsteinn náði sér betur á strik í síðustu tveimur settunum þar sem hann náði samtals 67 stigum af 70 mögulegum.

Þorsteinn hefur nú lokið leik í Ríó en hann er fyrsti íslenska bogfimiskyttan sem keppir á Ólympíumóti fatlaðra.