Tólf hleðslustöðvar við Kringluna

Kringlan og Íslenska gámafélagið hafa gert samn­ing um að setja upp tólf hleðslustöðvar fyr­ir rafmagns- og tengiltvinnbíla á bílastæðum Kringlunnar. Markmiðið er að gera viðskiptavinum Kringlunnar kleift að hlaða bíla sína á meðan þeir gera innkaup.

Íslenska gámafélagið og Kringlan hafa unnið lengi í samstarfi að umhverfismálum með góðum árangri. Allur úrgangur frá verslunum Kringlunnar er flokkaður og skilað til endurvinnslu. Er þetta góða samstarf því tekið enn lengra með uppsetningu á hleðslustöðvum segir í tilkynningu.

Ráðgert er að nýju hleðslustöðvarnar verði teknar í notkun í nóvember. Íslenska gámafélagið býður allar lausnir frá heimahleðslu til öflugra hraðhleðslustöðva. Íslenska gámafélagið mun kynna allar lausnir sínar á sýningunni Saman gegn sóun, sem verður í Perlunni um næstu helgi.

Fréttin birtist fyrst í Fréttablaðinu.