Austurbakki Hólsár er að gefa vel

Eystri Rangá er komin yfir 1.000 laxa og það veiðist feykna vel í henni allri þessa dagana.

Þar með talið er neðsta svæðið í ánni og það sem tekur við þegar áin sameinast Ytri Rangá og kallast þar eftir Hólsá.  Veiðin þar er í takt við önnur svæði í Eystri Rangá en hátt í annað hundrað laxar hafa komið þar á land frá opnun og mest af því er fallegur tveggja ára lax.  Laxinn veiðist alveg frá neðsta svæðinu sem er á móti Borg við vesturbakkann, og niður að ós en þar að auki við laxinn er oft töluvert veiði á sjóbirting og hann getur oft verið mjög vænn.  Það hefur gengið vel hjá þeim hópum sem hafa veitt í Hólsá og þar sem tímabilið er rétt að byrja lítur þetta vel út með framhaldið.