Umfjöllun, viðtöl og einkunnir: Víkingur R. - Víkingur Ó. 2-0 | Gary Martin slökkti í sjóðheitum Ólsurum Tryggvi Páll Tryggvason á Víkingsvelli skrifar 24. júní 2016 21:30 Gary Martin skoraði bæði mörk leiksins. vísir/stefán Heimamenn í Víkingi R. tryggðu sér öll þrjú stigin gegn nöfnum sínum í Víkingi Ó. þegar liðin öttu kappi í fyrsta sinn í efstu deild á Íslandi í 8. umferð Pepsi-deildar karla. Leikurinn byrjaði af krafti og sóttu bæði lið vel í byrjun. Það voru hinsvegar heimamenn sem nýttu sín færi og þegar tólf mínútur liðnar var Gary Martin búinn að skora tvö mörk. Það fyrra kom úr víti eftir að brotið var á Arnþóri Inga Kristinssyni eftir hornspyrnu Ívars Arnar Jónssonar. Martin steig á punktinn og skoraði af fádæma öryggi á tíundu mínútu. Aðeins tveimur mínútum síðar var hann búinn að koma heimamönnum í 2-0 eftir ansi laglegan undirbúning frá Viktori Jónssyni. Hann vippaði boltanum inn fyrir vörn gestanna frá Ólafsvík. Martin hikaði við að skjóta og viðstöðulaust skot hans hafnaði í markinu. Góður sigur heimamanna því í höfn og eru þeir með ellefu stig eftir átta leiki.Af hverju vann Víkingur R. Víkingur R. hafði einfaldlega lausnir við öllu því sem gestirnir reyndu í kvöld. í fyrsta lagi tókst þeim að einangra hin eitraða framherja Hrvoje Tokic einstaklega vel en hann var orðinn pirraður eftir aðeins 20 mínútna leik. Fram á við voru heimamenn einnig mjög sprækir. Sóttu hratt og fjölmenntu vel í sóknina. Þeir leystu hálfpressu Ólafsvíkurmanna af kostgæfni sem gaf þeim tækifæri á góðum sóknum. Viktor Jónsson var mjög erfiður við að eiga í fremstu víglínu á meðan Gary Martin dró varnarlínu gestanna sundur og saman með því að draga sig mikið úti á vinstri kantinn. Þetta opnaði öfluga vörn gestanna oft á tíðum og hefðu heimamenn vel geta bætt við fleiri mörkum hefðu þeir vandað sig örlítið meira á síðasta þriðjungnum.Hvað gekk vel?Miðjuspil heimamanna gekk afar vel í leiknum og þar fór Dofri Snorrason fremstur í flokki. Hann spilar yfirleitt í bakverði en spilaði eins og konungur á miðjunni í kvöld. Gestirnir, með sína tveggja manna miðju, réðu ekkert við þriggja manna miðju heimamanna. Það gerði það að verkum að varnarmenn heimamanna gátu yfirleitt alltaf fundið sinn eigin leikmann á miðjunni og losnað undan hálfpressu gestanna. Þaðan gat miðjumaður heimamanna oft fundið Gary eða Tufegdzic á kantinum. Við þessu höfðu gestirnir frá Ólafsvík fá svör. Að sama skapi gerðu Gary Martin og Viktor Jónsson vel í að skipta reglulega um stöður en þeir tveir léku lausum hala allan leikinn og áttu báðir frábæran leikHvað gekk illa?Gestunum tókst aldrei að ná upp sínum leik. Tokic var alveg einn í framlínunni og fékk enga þjónustu. Setja verður spurningamerki við þá ákvörðun Ejub Purisevic að spila William Dominguez da Silva á miðjunni. Fyrir það fyrsta gerði það það að verkum að Ólsarar söknuðu drifkrafts hans í sókninni og í öðru réði hann ekki neitt við neitt á miðjunni gegn öflugum heimamönnum. Varnarleikur gestanna var einnig ekki upp á marga fiska á öllum vellinum sem gerði það að verkum að heimamenn hefðu vel getað skorað fleiri mörk, hefðu þeir vandað sig örlítið betur.Hvað gerist næst?Víkingar R. fikra ofar í töflunni og eru með 11 stig. Miðað við hvernig deildin hefur spilast á þessu tímabili þarf ekki mikið til þess að komast í efri hlutann og góður sigur gegn spútnik-liði Víkings Ó. ætti að vera góður stökkpallur. Tapið er þó enginn heimsendir fyrir gestina sem hafa staðið sig afar vel á þessu tímabili það sem af er. Liðið er með 14 stig, þremur færri stigum en þeir fengu árið 2013 þegar liðið spilaði síðast í fyrstu deild. Uppskera þeirra er því góð óháp tapinu í kvöld.Milos Milojevic, þjálfari Víkings.Vísir/ernirMilos: Biðst afsökunar á að hafa ekki mætt í viðtalMilos Milojevic var nokkuð kátur með sína menn eftir sigurinn í kvöld en vildi þó byrja á að biðjast afsökunar á að hafa ekki mætt í viðtal eftir tapleik Víkinga gegn Val í síðustu umferð bikarsins. „Ég vil byrja á því að biðjast afsökunar á því að hafa ekki mætt í viðtöl eftir síðast leik. Það var reyndar sá misskilningur að leikmenn okkar mættu ekki koma í viðtöl. Það var ekki rétt, þetta átti bara við um mig. Maður er oft heitur eftir leiki og ég vildi ekki segja eitthvað rugl,“ sagði Milos. Að öðru leyti var Milos kátur með sína menn en hefði þó viljað fá eitt mark í viðbót sem lið hans hefði sannarlega geta sett enda óð það í færum í leiknum. „Ef ég á að setja eitthvað út á þennan leik, sem er mjög erfitt, þá hefði ég viljað fá eitt mark í viðbót,“ segir Milos sem segir að lið sitt hafi haft leikinn allan tímann í höndum sér gegn erfiðum andstæðingum. „Leikurinn í dag var allan tímann í okkar höndum. Við mættum hér mjög þéttu og skipulögðu liði en það kom mér svolítið á óvart hvað við fengum mikið af færum miðað við liðið sem við vorum að spila við.“ Víkingar hafa blásið heitu og köldu í sumar og aldrei náð að setja saman góða sigurhrinu. Milos er þó vongóður að það takist nú en þó sé erfiður leikur framundan. „Ég held að menn séu meira að að ná því sem við viljum að þeir geri. Við höfum gæðin en við þurfum að vera stöðugri leik eftir leik. Næst er sprengileikur gegn Fylki sem er að leita að líflínu og ég á von á mjög erfiðum leik þar,“ sagði Milos.Ejub og strákarnir eru með 14 stig.vísir/daníelEjub: Erfitt að lenda 2-0 undir í þessari deildEjub Purisevic, þjálfari Víking Ó. var svekktur í leikslok en hann segir að lið sitt hafi ekki spilað nógu vel varnarlega. „Þetta var mjög slakt hjá okkur varnarlega. En að lenda undir á útivelli gegn mjög góðu liði þýðir það að það er erfitt að halda haus og átta sig á því sem er að gerast,“ sagði Ejub sem segir þó að sitt lið hefði vel getað komist aftur inn í leikinn. „Í seinni hálfleik áttum við mjög gott færi og hefðum við skorað þar hefðum við kannski komist inn í leikinn,“ sagði Ejub sem var ekki alveg sáttur við vítaspyrnudóminn á 10. mínútu. „Þetta var víti sem mér fannst vera tæpt og þetta var stór ákvörðun hjá dómaranum,“ segir Ejub sem telur, að þrátt fyrir gott gengi liðsins, séu veikleikar þess ef til vill að koma í ljós. „Það eru stundum að sýna sig þessir veikleikar sem við eigum, varnarlega og á miðjunni og við göngum í gegnum breytingar leik frá leik,“ sagði Ejub.Gary MartinVísirGary Martin: Ég er kominn afturGary Martin, framherji Víkings R. gerði varnarmönnum Víkings. Ó lífið leitt í kvöld í 2-0 sigri þar sem Gary skoraði bæði mörkin. Hann spilaði feykivel og því lá beint við að spyrja hvort hinn gamli Gary Martin, sem spilaði svo vel með ÍA og KR sé mættur aftur. „Já, hann er kominn aftur,“ svaraði Gary. „Milos sagði að hann vildi fá gamla Gary aftur og ég fann fyrir pressu á sjálfum mér.“ Gary var út um allan völl og dró varnarmenn gestanna sundur og saman sem auðveldaði allan sóknarleik heimamanna til muna. Gary segir að Milos hafi gefið sér frelsi til þess að hlaupa út um allan völl. „Ég kom hingað sem framherji og Milos sagðist vilja fá að sjá hlaupin mín. Hann sagði að ég ætti að hlaupa þangað sem ég vildi hlaupa. Ég fékk frelsi eins og þegar ég var að spila með Rúnari hjá KR,“ segir Gary sem var þó svekktur með að ná ekki þrennunni. „Að sjálfsögðu vildi ég þrennunna en ég sagði í hálfleik að mér væri alveg sama um hana, það eina sem ég vildi voru þrjú stig,“ sagði Gary. Hann er viss um að mörkin muni nú flæða enda sé nú það tímabil sumars þar sem hann fer að finna sinn leik á ný. „Mörkin munu koma hjá mér og ég byrja alltaf að spila vel um mitt tímabil þegar vellirnir eru orðnir betri. Það sést á hverju tímabili ef menn skoða minn árangur. Ég er knattspyrnumaður en ekki bardagamaður.“ Pepsi Max-deild karla Mest lesið Ekki léttvæg ákvörðun að hætta við bardagann Sport Ronaldo hlustaði ekki á meðan aðrir vildu Ancelotti eða Zidane Enski boltinn Sjáðu fljótasta mark í sögu EM og endurkomu Ítalíu Fótbolti Ronaldinho hættur að horfa á Brasilíu Fótbolti Yngsti þjálfari í sögu ensku úrvalsdeildarinnar Enski boltinn Utan vallar: Tuttugu ár frá besta EM allra tíma Fótbolti DeChambeau leiðir með þremur fyrir lokadaginn Golf Bjarni lætur af störfum hjá KR Fótbolti Dagskráin í dag: Besta deild kvenna, Opna bandaríska og hafnabolti Sport Yngstur í sögunni: Fagnaði áfanganum með stoðsendingu Fótbolti Fleiri fréttir Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjáðu þrennur Ísabellu og Kristrúnar og öll mörkin Þrenna Kristrúnar tryggði Þrótti fyrsta sigur tímabilsins Sjá meira
Heimamenn í Víkingi R. tryggðu sér öll þrjú stigin gegn nöfnum sínum í Víkingi Ó. þegar liðin öttu kappi í fyrsta sinn í efstu deild á Íslandi í 8. umferð Pepsi-deildar karla. Leikurinn byrjaði af krafti og sóttu bæði lið vel í byrjun. Það voru hinsvegar heimamenn sem nýttu sín færi og þegar tólf mínútur liðnar var Gary Martin búinn að skora tvö mörk. Það fyrra kom úr víti eftir að brotið var á Arnþóri Inga Kristinssyni eftir hornspyrnu Ívars Arnar Jónssonar. Martin steig á punktinn og skoraði af fádæma öryggi á tíundu mínútu. Aðeins tveimur mínútum síðar var hann búinn að koma heimamönnum í 2-0 eftir ansi laglegan undirbúning frá Viktori Jónssyni. Hann vippaði boltanum inn fyrir vörn gestanna frá Ólafsvík. Martin hikaði við að skjóta og viðstöðulaust skot hans hafnaði í markinu. Góður sigur heimamanna því í höfn og eru þeir með ellefu stig eftir átta leiki.Af hverju vann Víkingur R. Víkingur R. hafði einfaldlega lausnir við öllu því sem gestirnir reyndu í kvöld. í fyrsta lagi tókst þeim að einangra hin eitraða framherja Hrvoje Tokic einstaklega vel en hann var orðinn pirraður eftir aðeins 20 mínútna leik. Fram á við voru heimamenn einnig mjög sprækir. Sóttu hratt og fjölmenntu vel í sóknina. Þeir leystu hálfpressu Ólafsvíkurmanna af kostgæfni sem gaf þeim tækifæri á góðum sóknum. Viktor Jónsson var mjög erfiður við að eiga í fremstu víglínu á meðan Gary Martin dró varnarlínu gestanna sundur og saman með því að draga sig mikið úti á vinstri kantinn. Þetta opnaði öfluga vörn gestanna oft á tíðum og hefðu heimamenn vel geta bætt við fleiri mörkum hefðu þeir vandað sig örlítið meira á síðasta þriðjungnum.Hvað gekk vel?Miðjuspil heimamanna gekk afar vel í leiknum og þar fór Dofri Snorrason fremstur í flokki. Hann spilar yfirleitt í bakverði en spilaði eins og konungur á miðjunni í kvöld. Gestirnir, með sína tveggja manna miðju, réðu ekkert við þriggja manna miðju heimamanna. Það gerði það að verkum að varnarmenn heimamanna gátu yfirleitt alltaf fundið sinn eigin leikmann á miðjunni og losnað undan hálfpressu gestanna. Þaðan gat miðjumaður heimamanna oft fundið Gary eða Tufegdzic á kantinum. Við þessu höfðu gestirnir frá Ólafsvík fá svör. Að sama skapi gerðu Gary Martin og Viktor Jónsson vel í að skipta reglulega um stöður en þeir tveir léku lausum hala allan leikinn og áttu báðir frábæran leikHvað gekk illa?Gestunum tókst aldrei að ná upp sínum leik. Tokic var alveg einn í framlínunni og fékk enga þjónustu. Setja verður spurningamerki við þá ákvörðun Ejub Purisevic að spila William Dominguez da Silva á miðjunni. Fyrir það fyrsta gerði það það að verkum að Ólsarar söknuðu drifkrafts hans í sókninni og í öðru réði hann ekki neitt við neitt á miðjunni gegn öflugum heimamönnum. Varnarleikur gestanna var einnig ekki upp á marga fiska á öllum vellinum sem gerði það að verkum að heimamenn hefðu vel getað skorað fleiri mörk, hefðu þeir vandað sig örlítið betur.Hvað gerist næst?Víkingar R. fikra ofar í töflunni og eru með 11 stig. Miðað við hvernig deildin hefur spilast á þessu tímabili þarf ekki mikið til þess að komast í efri hlutann og góður sigur gegn spútnik-liði Víkings Ó. ætti að vera góður stökkpallur. Tapið er þó enginn heimsendir fyrir gestina sem hafa staðið sig afar vel á þessu tímabili það sem af er. Liðið er með 14 stig, þremur færri stigum en þeir fengu árið 2013 þegar liðið spilaði síðast í fyrstu deild. Uppskera þeirra er því góð óháp tapinu í kvöld.Milos Milojevic, þjálfari Víkings.Vísir/ernirMilos: Biðst afsökunar á að hafa ekki mætt í viðtalMilos Milojevic var nokkuð kátur með sína menn eftir sigurinn í kvöld en vildi þó byrja á að biðjast afsökunar á að hafa ekki mætt í viðtal eftir tapleik Víkinga gegn Val í síðustu umferð bikarsins. „Ég vil byrja á því að biðjast afsökunar á því að hafa ekki mætt í viðtöl eftir síðast leik. Það var reyndar sá misskilningur að leikmenn okkar mættu ekki koma í viðtöl. Það var ekki rétt, þetta átti bara við um mig. Maður er oft heitur eftir leiki og ég vildi ekki segja eitthvað rugl,“ sagði Milos. Að öðru leyti var Milos kátur með sína menn en hefði þó viljað fá eitt mark í viðbót sem lið hans hefði sannarlega geta sett enda óð það í færum í leiknum. „Ef ég á að setja eitthvað út á þennan leik, sem er mjög erfitt, þá hefði ég viljað fá eitt mark í viðbót,“ segir Milos sem segir að lið sitt hafi haft leikinn allan tímann í höndum sér gegn erfiðum andstæðingum. „Leikurinn í dag var allan tímann í okkar höndum. Við mættum hér mjög þéttu og skipulögðu liði en það kom mér svolítið á óvart hvað við fengum mikið af færum miðað við liðið sem við vorum að spila við.“ Víkingar hafa blásið heitu og köldu í sumar og aldrei náð að setja saman góða sigurhrinu. Milos er þó vongóður að það takist nú en þó sé erfiður leikur framundan. „Ég held að menn séu meira að að ná því sem við viljum að þeir geri. Við höfum gæðin en við þurfum að vera stöðugri leik eftir leik. Næst er sprengileikur gegn Fylki sem er að leita að líflínu og ég á von á mjög erfiðum leik þar,“ sagði Milos.Ejub og strákarnir eru með 14 stig.vísir/daníelEjub: Erfitt að lenda 2-0 undir í þessari deildEjub Purisevic, þjálfari Víking Ó. var svekktur í leikslok en hann segir að lið sitt hafi ekki spilað nógu vel varnarlega. „Þetta var mjög slakt hjá okkur varnarlega. En að lenda undir á útivelli gegn mjög góðu liði þýðir það að það er erfitt að halda haus og átta sig á því sem er að gerast,“ sagði Ejub sem segir þó að sitt lið hefði vel getað komist aftur inn í leikinn. „Í seinni hálfleik áttum við mjög gott færi og hefðum við skorað þar hefðum við kannski komist inn í leikinn,“ sagði Ejub sem var ekki alveg sáttur við vítaspyrnudóminn á 10. mínútu. „Þetta var víti sem mér fannst vera tæpt og þetta var stór ákvörðun hjá dómaranum,“ segir Ejub sem telur, að þrátt fyrir gott gengi liðsins, séu veikleikar þess ef til vill að koma í ljós. „Það eru stundum að sýna sig þessir veikleikar sem við eigum, varnarlega og á miðjunni og við göngum í gegnum breytingar leik frá leik,“ sagði Ejub.Gary MartinVísirGary Martin: Ég er kominn afturGary Martin, framherji Víkings R. gerði varnarmönnum Víkings. Ó lífið leitt í kvöld í 2-0 sigri þar sem Gary skoraði bæði mörkin. Hann spilaði feykivel og því lá beint við að spyrja hvort hinn gamli Gary Martin, sem spilaði svo vel með ÍA og KR sé mættur aftur. „Já, hann er kominn aftur,“ svaraði Gary. „Milos sagði að hann vildi fá gamla Gary aftur og ég fann fyrir pressu á sjálfum mér.“ Gary var út um allan völl og dró varnarmenn gestanna sundur og saman sem auðveldaði allan sóknarleik heimamanna til muna. Gary segir að Milos hafi gefið sér frelsi til þess að hlaupa út um allan völl. „Ég kom hingað sem framherji og Milos sagðist vilja fá að sjá hlaupin mín. Hann sagði að ég ætti að hlaupa þangað sem ég vildi hlaupa. Ég fékk frelsi eins og þegar ég var að spila með Rúnari hjá KR,“ segir Gary sem var þó svekktur með að ná ekki þrennunni. „Að sjálfsögðu vildi ég þrennunna en ég sagði í hálfleik að mér væri alveg sama um hana, það eina sem ég vildi voru þrjú stig,“ sagði Gary. Hann er viss um að mörkin muni nú flæða enda sé nú það tímabil sumars þar sem hann fer að finna sinn leik á ný. „Mörkin munu koma hjá mér og ég byrja alltaf að spila vel um mitt tímabil þegar vellirnir eru orðnir betri. Það sést á hverju tímabili ef menn skoða minn árangur. Ég er knattspyrnumaður en ekki bardagamaður.“
Pepsi Max-deild karla Mest lesið Ekki léttvæg ákvörðun að hætta við bardagann Sport Ronaldo hlustaði ekki á meðan aðrir vildu Ancelotti eða Zidane Enski boltinn Sjáðu fljótasta mark í sögu EM og endurkomu Ítalíu Fótbolti Ronaldinho hættur að horfa á Brasilíu Fótbolti Yngsti þjálfari í sögu ensku úrvalsdeildarinnar Enski boltinn Utan vallar: Tuttugu ár frá besta EM allra tíma Fótbolti DeChambeau leiðir með þremur fyrir lokadaginn Golf Bjarni lætur af störfum hjá KR Fótbolti Dagskráin í dag: Besta deild kvenna, Opna bandaríska og hafnabolti Sport Yngstur í sögunni: Fagnaði áfanganum með stoðsendingu Fótbolti Fleiri fréttir Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjáðu þrennur Ísabellu og Kristrúnar og öll mörkin Þrenna Kristrúnar tryggði Þrótti fyrsta sigur tímabilsins Sjá meira
Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna
Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum