Fjárfesta fyrir tuttugu milljarða Snærós Sindradóttir skrifar 18. maí 2016 07:00 Sjálfvirkni við farangur hefur aukist mjög og töskufæribönd verða lengd. Það er liður í aukinni skilvirkni. vísir/GVA Hefja á framkvæmdir fyrir tuttugu milljarða króna á Keflavíkurflugvelli í ár. Framkvæmdirnar hafa verið samþykktar í stjórn Isavia og bætast fyrirhuguð mannvirki við þá aðstöðu sem tekin hefur verið í notkun frá því í fyrrasumar og kostaði um tíu milljarða króna. Samtals hefur stjórn Isavia samþykkt framkvæmdir við flugvöllinn fyrir þrjátíu milljarða króna á næstu tveimur árum, eða til ársins 2018. Framkvæmdirnar nema um 1 prósenti af vergri landsframleiðslu, sé miðað við spá Seðlabanka Íslands fyrir árið 2016. Til samanburðar má nefna að ríkisstjórnin hefur sett 2,5 milljarða króna í uppbyggingu ferðamannastaða frá árinu 2013 með framlagi í Framkvæmdasjóð ferðamannastaða. Uppbygging ríkisins er sem sagt ríflega tólf prósent af þeirri upphæð sem Isavia hyggst verja í framkvæmdir við Flugstöð Leifs Eiríkssonar. „Það var gerð farþegaspá árið 2014. Sú farþegaspá hefur greinilega verið mikið vanmat því við erum að enda í svipaðri tölu í ár og við spáðum árið 2020,“ segir Hlynur Sigurðsson, framkvæmdastjóri Isavia. „Þess vegna erum við að ráðast í þessar fjárfestingar töluvert hraðar en áætlað var. Allt passar þetta samt inn í þróunarskipulag Keflavíkurflugvallar.“ Hlynur segir að eftir framkvæmdirnar í ár verði Keflavíkurflugvöllur fimmti stærsti flugvöllur Norðurlanda hvað farþegafjölda varðar, og taki til dæmis fram úr flugvellinum í Gautaborg. Eftir standi flugvellir höfuðborganna; Kaupmannahafnar, Óslóar, Helsinki og Stokkhólms. „Það sem farþeginn mun taka sérstaklega eftir er að við erum búin að fjárfesta í sjálfvirknivæðingu fyrir samtals 500 milljónir. Fleiri flugfélög fara í sjálfinnritunarstöðvar svo traffíkin gengur mun hraðar,“ segir Hlynur. Jafnframt muni fleiri flugfélög taka upp fyrirkomulag þar sem farþegar skila sjálfir farangri til innritunar án aðstoðar starfsmanns.Hlynur Sigurðsson, framkvæmdastjóri Isavia.„Í fyrra var mjög þröngt í komusalnum. Við stækkuðum þann sal um 800 fermetra. Sömuleiðis þurftum við að lengja töskuböndin og erum að fara að stækka töskusalinn um aðra 800 fermetra. Á verslunarsvæðinu vorum við ekki búin að koma fyrir nægilegum fjölda sæta. Þó að það verði þröngt setið munum við koma upp 200 fleiri sætum,“ segir Hlynur. Þrátt fyrir þetta mun Isavia lengja innritunartímann og hvetja farþega til að mæta fyrr á völlinn. „Farþegar hafa vanið sig í mörg ár á að koma tveimur tímum fyrr. Við viljum að innritun sé alltaf opin tveimur og hálfum tíma fyrr svo menn séu ekki að lenda í vandræðum ef það eru stórir dagar.“ Hlynur segir Isavia öruggt um að farþegum muni áfram fjölga um flugvöllinn á næstu tveimur árum. Fyrirtækið fari ekki á hausinn þótt ýtrustu spár bregðist. „Þessar fjárfestingar eru til langs tíma. Þó það komi dýfa þá mun sú fjárfesting nýtast. Þróunarskipulagið er sett þannig upp næstu 5 til 25 ár að við munum gera þetta í þeim áföngum sem Isavia ræður við.“ Isavia kynnir áform sín á morgunverðarfundi á Hótel Reykjavík Natura í dag.Fréttin birtist fyrst í Fréttablaðinu 18. maí. Birtist í Fréttablaðinu Mest lesið „Mig langaði bara að drepa þennan mann“ Innlent Mótmælin gegn „rússnesku“ lögunum stækka enn Erlent Fyrsti lifandi svínsnýrnaþeginn er látinn Erlent Rannsaka alvarlegt ofbeldisbrot í Árnessýslu Innlent Aðrir frambjóðendur en efstu tveir eigi töluvert langt í land Innlent Sauð upp úr milli bónda og dýraverndunarsinna Innlent „Hann hættir bara ekki” Innlent Pólitíkin, dánaraðstoð, NATO og kosningar á Sprengisandi Innlent Forsetavaktin 2024: Hver verður sjöundi forseti lýðveldisins? Innlent Hollenska söngvaranum bannað að keppa í kjölfar „hótana“ Erlent Fleiri fréttir Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Sjá meira
Hefja á framkvæmdir fyrir tuttugu milljarða króna á Keflavíkurflugvelli í ár. Framkvæmdirnar hafa verið samþykktar í stjórn Isavia og bætast fyrirhuguð mannvirki við þá aðstöðu sem tekin hefur verið í notkun frá því í fyrrasumar og kostaði um tíu milljarða króna. Samtals hefur stjórn Isavia samþykkt framkvæmdir við flugvöllinn fyrir þrjátíu milljarða króna á næstu tveimur árum, eða til ársins 2018. Framkvæmdirnar nema um 1 prósenti af vergri landsframleiðslu, sé miðað við spá Seðlabanka Íslands fyrir árið 2016. Til samanburðar má nefna að ríkisstjórnin hefur sett 2,5 milljarða króna í uppbyggingu ferðamannastaða frá árinu 2013 með framlagi í Framkvæmdasjóð ferðamannastaða. Uppbygging ríkisins er sem sagt ríflega tólf prósent af þeirri upphæð sem Isavia hyggst verja í framkvæmdir við Flugstöð Leifs Eiríkssonar. „Það var gerð farþegaspá árið 2014. Sú farþegaspá hefur greinilega verið mikið vanmat því við erum að enda í svipaðri tölu í ár og við spáðum árið 2020,“ segir Hlynur Sigurðsson, framkvæmdastjóri Isavia. „Þess vegna erum við að ráðast í þessar fjárfestingar töluvert hraðar en áætlað var. Allt passar þetta samt inn í þróunarskipulag Keflavíkurflugvallar.“ Hlynur segir að eftir framkvæmdirnar í ár verði Keflavíkurflugvöllur fimmti stærsti flugvöllur Norðurlanda hvað farþegafjölda varðar, og taki til dæmis fram úr flugvellinum í Gautaborg. Eftir standi flugvellir höfuðborganna; Kaupmannahafnar, Óslóar, Helsinki og Stokkhólms. „Það sem farþeginn mun taka sérstaklega eftir er að við erum búin að fjárfesta í sjálfvirknivæðingu fyrir samtals 500 milljónir. Fleiri flugfélög fara í sjálfinnritunarstöðvar svo traffíkin gengur mun hraðar,“ segir Hlynur. Jafnframt muni fleiri flugfélög taka upp fyrirkomulag þar sem farþegar skila sjálfir farangri til innritunar án aðstoðar starfsmanns.Hlynur Sigurðsson, framkvæmdastjóri Isavia.„Í fyrra var mjög þröngt í komusalnum. Við stækkuðum þann sal um 800 fermetra. Sömuleiðis þurftum við að lengja töskuböndin og erum að fara að stækka töskusalinn um aðra 800 fermetra. Á verslunarsvæðinu vorum við ekki búin að koma fyrir nægilegum fjölda sæta. Þó að það verði þröngt setið munum við koma upp 200 fleiri sætum,“ segir Hlynur. Þrátt fyrir þetta mun Isavia lengja innritunartímann og hvetja farþega til að mæta fyrr á völlinn. „Farþegar hafa vanið sig í mörg ár á að koma tveimur tímum fyrr. Við viljum að innritun sé alltaf opin tveimur og hálfum tíma fyrr svo menn séu ekki að lenda í vandræðum ef það eru stórir dagar.“ Hlynur segir Isavia öruggt um að farþegum muni áfram fjölga um flugvöllinn á næstu tveimur árum. Fyrirtækið fari ekki á hausinn þótt ýtrustu spár bregðist. „Þessar fjárfestingar eru til langs tíma. Þó það komi dýfa þá mun sú fjárfesting nýtast. Þróunarskipulagið er sett þannig upp næstu 5 til 25 ár að við munum gera þetta í þeim áföngum sem Isavia ræður við.“ Isavia kynnir áform sín á morgunverðarfundi á Hótel Reykjavík Natura í dag.Fréttin birtist fyrst í Fréttablaðinu 18. maí.
Birtist í Fréttablaðinu Mest lesið „Mig langaði bara að drepa þennan mann“ Innlent Mótmælin gegn „rússnesku“ lögunum stækka enn Erlent Fyrsti lifandi svínsnýrnaþeginn er látinn Erlent Rannsaka alvarlegt ofbeldisbrot í Árnessýslu Innlent Aðrir frambjóðendur en efstu tveir eigi töluvert langt í land Innlent Sauð upp úr milli bónda og dýraverndunarsinna Innlent „Hann hættir bara ekki” Innlent Pólitíkin, dánaraðstoð, NATO og kosningar á Sprengisandi Innlent Forsetavaktin 2024: Hver verður sjöundi forseti lýðveldisins? Innlent Hollenska söngvaranum bannað að keppa í kjölfar „hótana“ Erlent Fleiri fréttir Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Var beðinn um upplýsingar um unga leikmenn vegna veðmáls Um fimm prósent fjölskyldusameininga vegna flóttamanna og hælisleitenda Senda á tólf ára palestínskan dreng með hrörnunarsjúkdóm úr landi Hræðsla við brottvísun, fylgi á fleygiferð og veðjað á leiki barna Ísland greiddi atkvæði með auknum rétti Palestínu hjá SÞ Auknar líkur á nýju eldgosi á næstu dögum Reyndi að drepa mann eftir að upp úr sauð á gamlárskvöld Kári tekur ábyrgð á stuðningi Víðis og Þórólfs Stefnir í tveggja turna tal Guðmundur í Afstöðu hundskammar DV Sjá meira