Leigubílstjórar í Budapest mótmæla Uber með lokun brúar

Leigubílstjórar í ungversku höfuðborginni Budapest eru ekki beint hrifnir af tilkomu Uber leigubílaþjónustunnar í borginni og efndu til mótmæla gegn starfsemi þeirra með því að loka einni aðalbrúnni yfir Dóná sem liggur gegnum borgina fögru.

Mótmæli þeirra snúast eiginlega ekki að þeim ódýru og samkeppnishæfu fargjöldum sem bjóðast með Uber bílunum, heldu öllu fremur þeim ströngu reglum sem venjulegum leigubílstórum eru settar af yfirvöldum í borginni. Leigubílar þeirra mega t.d. ekki verða eldri en 10 ára, verða að vera í hárréttum gulum lit og það sem verst er að þeir geta aðeins rukkað farþega um fyrirfram ákveðið gjald sem er um 120 kr. fyrir hvern ekinn kílómetra.

Þessum reglum þurfa Uber bílstjórar ekki að hlýta og það skekkir verulega samkeppnishæfni venjulegra leigubílstjóra. Leigubílstjórar í Budapest eru einnig orðnir þreyttir á svokölluðum “hýenum” sem ekki eru með leyfi til leigubílaaksturs og rukka ferðamenn óhóflega, en þeir telja að yfirvöld reyni ekkert að stöðva starfsemi þeirra.