Það hefur ekki farið framhjá mörgum að systurnar tvær þær Kim og Kourtney úr raunveruleikaþáttunum Keeping Up with the Kardashians voru á landinu ásamt fríðu föruneyti. Með þeim í för var meðal annars eiginmaður Kim Kardashian, rapparinn og fatahönnuðurinn Kanye West.

Förinni frægu er lokið í bili en Kourtney nýtti greinilega tækifærið og bætti íslenskri hönnun í fatasafnið sitt. Hún sást skarta svörtum silkikjól úr smiðju JÖR by GUÐMUNDUR JÖRUNDSSON á leið sinni úr landi fyrr í dag. 

Guðmundur Jörundsson fatahönnuður, eigandi og stofnandi JÖR greindi frá þessu á facebook síðu sinni. „Besta vinkona mín hún Kourtney Kardashian taldi þetta vera komið gott hérlendis eftir að hún fékk þennan JÖR silkikjól í hendurnar ásamt ýmsu fleira.“

Hér má lesa frétt Daily Mail um málið. 

Ekki amalegt. Vel gert JÖR - spurning hvort það bættist eitthvað meira af íslenskri í hönnun í fatasafn þeirra systra. Það verður fróðlegt að sjá á næstu dögum.