Andlitslyfting Audi A6 og A7

Audi A7 hefur verið óbreyttur frá því hann kom fyrst á markað árið 2010, en nú er komið að andlitslyftingu hans og það á einnig við A6 bílinn sem hefur verið óbreyttur frá árinu 2011. Bílarnir fá nýjan framenda þar sem svart plastið í grillinu er matt og loftinntök fá krómumgjörð.

Audi mun bjóða báða bílana í þremur nýjum litum, Java Brown, Matador Red og Gotland Green og það á einnig við um kraftaútgáfurnar S6 og S7. Jawa Brown liturinn var reyndar áður fáanlegur í Audi A6 Allroad. Audi A6 mun fást með tveimur nýjum felgugerðum og A7 með þremur nýjum felgugerðum.

Audi A6 Allroad mun bjóðast í einum nýjum lit, Soho Brown og mun bíllinn standa á nýjum 20 tommu álfelgum. Þá verður hægt að fá hann nú með nýjum sportsætum með Valcona leðri. Ný LED lýsing í innanrýminu verður í A6 og A7 bílunum og finna má Apple Car Play og Android Auto stillingar á aðgerðaskjánum á miðju mælaborði bílanna.

Andlitslyftu gerðir A6 og A7 fara á markað á innan tíðar og munu ekki kosta meira en núverandi gerðir þeirra.