Fengu bókstaflega sjokk þegar þau reyndu að stela síma - Myndband

Það getur verið erfitt að taka upp vel heppnaða falda myndavél og þarf margt að ganga upp svo að útkoman verði skemmtilegt.

Á YouTube-rásinni Mabe in America sem Tom Mabe heldur úti má sjá mörg skemmtileg myndbönd en nýjasta myndbandið á síðunni er sérstaklega skemmtilegt.

Þar hefur Tom Mabe komið fyrir búnaði í síma sem gefur frá sér rafstuð þegar ýtt er á takka á fjarstýringu. Mabe kom sér fyrir almannafæri og þóttist oftast vera sofandi með símann sér við hlið. Það leið aldrei langur tími þar til að einhver óprúttinn aðili mætti á staðinn og reyndi að stela símanum.

Þá ýtti Mabe einfaldlega á takkann og gaf fólkinu rafstuð. Allt saman náðist þetta á myndband og eru viðbrögð fólksins mjög fyndin en myndbandið má sjá hér að neðan.