Klúr brandari þrumuguðsins sló í gegn

Það er tekið út með sældinni að vera vaxinn eins og grísk höggmynd og að hafa leikið í fjölmörgum stórsmellum vestanhafs.

Það er í það minnsta upplifun ástralska leikarans Chris Hemsworth sem hefur farið með hlutverk þrumuguðsins Þórs í samnefndum kvikmyndum sem og Avengers-myndabálknum.

Hann var gestur írska spjallþáttastjórnandans Graham Norton á dögunum þar sem hann upplýsti að aðdáendum hans þætti fátt skemmtilegra en að vinda sér upp að honum og kenna leikaranum brandara um þrumuguðinn.

Í þættinum sagði Hemsworth einn slíkan brandara sem reyndist í klúrari kantinum. Þar er sögusviðið koddahjal þrumuguðsins og ástkonu hans en brandarann má heyra hér að neðan.