Júlíus svaraði erindi um eign hans í Panama. Hann útskýrði að um lífeyrissjóð væri að ræða en ekki félag sem gæti átt í viðskiptum. Hann sagði mikilvægt að farið væri yfir hagsmunaskráningu borgarstjórnar en að ekki hefði verið getið þess að skrá ætti lífeyris- og séreignasjóði. Því hefði hann ekki gert það.
„Lífeyrissjóðum af þessu tagi er beinlínis meinað að standa í viðskiptum eða fjárfestingum. Skuldsetning er óheimil og veðsetning líka.“
Allt í samræmi við sjóðinn erlendis í samræmi við lög
Júlíus benti á að fjölmargir Íslendingar eigi í erlendum lífeyrissjóðum og í þúsundum félaga erlendis. Hann kannaðist ekki við að gefin hafi verið út hlutabréf í sjóði hans eins og sagt var í Kastljóss þættinum á sunnudagskvöld. Júlíus tók sem dæmi að hann hafi verið stjórnarmaður í Íslensku óperunni um tíma en að hann hafi aldrei átt hlut í henni – enda sjálfseignarstofnun. „Það á sig sjálft,“ sagði Júlíus.
„Ég ítreka að allt sem ég sagði að við kemur þessum sjóði er í samræmi við íslensk lög og reglur,“ sagði Júlíus.
Hann gagnrýndi hagsmunaskrá borgarinnar og sagði að augljóst væri að hana þyrfti að bæta þannig að hlutirnir liggi ljósir fyrir.
Sjá nánar: Sveinbjörg Birna fer í frí ef yfirferð um hagsmunaskráningu verður ekki lokið í júní

„Svar þeirra er á einn veg og mjög afgerandi. Mitt svar er að ég hef oft íhugað að hætta í borgarstjórn og segja mig frá mínu starfi í borgarstjórn.“
Júlíus var borgarfulltrúi þegar Sjálfstæðismenn voru í meirihluta og minnist hans þess tíma með hlýhug. „Mikil vinna en spennandi, gefandi og þreytti mann ekki.“
Júlíusi þakkað fyrir vel unnin störf
Dagur B. Eggertsson sagði þetta merkilegt skref. Sóley Tómasdóttir þakkaði Júlíusi fyrir vel unnin störf.
Magnús Sigurbjörnsson, framkvæmdastjóri borgarstjórnarflokks Sjálfstæðisflokksins, þakkaði Júlíusi fyrir samvinnuna á Twitter í dag.
Ég vil þakka Júlíusi fyrir samstarfið. Þó við vorum ekki alltaf sammála var hann dugnaðar pólitíkus og sinnti sjálfstæðisstefnunni ötullega.
— Magnús Sigurbjörns (@sigurbjornsson) April 5, 2016
Á fundinum átti að ræða tillögu forsætisnefndar um að skoðað yrði hvort borgarfulltrúarnir Júlíus Vífill Ingvarsson og Sveinbjörg Birna Sveinbjörnsdóttir hefðu farið á svig við lög með því að eiga félög á þekktum aflandseyjum.
Sveinbjörg Birna Sveinbjörnsdóttir er nefnd í skjölum sem fram komu í Panama-lekanum. Hún tengist tveimur aflandsfélögum, annað er skráð á Tortóla og hitt á Panama. Félagið á Panama ber nafnið Ice 1 Corp, það er í eigu einkahlutafélagsins P-10 ehf. þar sem Sveinbjörg er skráður stjórnarformaður. „Samkvæmt nýjasta ársreikningi P-10 ehf. á félagið íbúðir í byggingu í Panama að verðmæti 177.625.050 króna.” Þetta segir á vefsíðu Reykjavík media. Sveinbjörg segist hafa talið að búið væri að slíta félaginu. Hún er borgarfulltrúi Framsóknar og flugvallarvina.
Júlíus Vífill Ingvarsson stofnaði lífeyrissjóð í Panama árið 2014. Í yfirlýsingu sem hann sendi frá sér á föstudag kemur fram að hann hafi hugsað sjóðinn í eftirlaunatilgangi. Júlíus Vífill er varamaður í stjórn Lífeyrissjóðs starfsmanna Reykjavíkurborgar. Hann er borgarfulltrúi Sjálfstæðisflokksins. Júlíus mætir á fundinn í dag og stendur fyrir svörum. Hins vegar er Sveinbjörg Birna í fæðingarorlofi.
Hér fyrir neðan má sjá útsendingu sem streymt er af vef Reykjavíkur.