Mazda MX-5, heimsbíll ársins, frumsýndur á laugardaginn

Brimborg frumsýnir nýjan Mazda MX-5, heimsbíl ársins 2016, laugardaginn 2. apríl milli k. 12 og 16 í sýningarsal Mazda að Bíldshöfða 8. Einnig verða til sýnis sérstakar sportútfærslur af öðrum Mazda bílum.

Fyrsti Mazda MX-5 bíllinn kom á markað árið 1989 sló strax í gegn og er í dag vinsælasti blæjubíll heims. Nú er komin fjórða kynslóð af þessum goðsagnakennda bíl. Mazda MX-5 var nýlega valinn heimsbíll ársins 2016 World car of the year 2016 og einnig hlaut hann hönnunarverðlaunin World Car design of the Year. Sá fyrsti sem hlýtur báða titlana. 

Þar að auki varð hann hlutskarpastur í vali á bíl ársins í Japan 2015-2016. Mazda MX-5 hlaut einnig þennan eftirsóknaverða titil árin 2005-2006. Fleiri verðlaun hafa fallið í skaut Mazda MX-5. Hann var til að mynda valinn „Roadster of the Year 2015“ af virta bílatímaritinu Auto Express, hlaut einnig hönnunarverðlaunin Red Dot Design Award: Best of the best 2015, og þá var hann auk þess valinn Best Convertible 2016 af What Car tímaritinu.

Nýr Mazda MX-5 er byggður á firna sterkum rótum forvera síns og hefur allt sem þessi goðsögn innan sportbílaheimsins hefur verið þekkt fyrir og meira til. Nýr MX-5 er hannaður í anda KODO – Soul of Motion hugmyndafræðinnar sem innblásin er af hreyfingum, krafti og lipurð blettatígurs.