Burt Bacharach heldur tónleika á Íslandi Gunnar Leó Pálsson skrifar 21. mars 2016 07:00 Burt Bacharach hefur unnið til ótal verðlauna fyrir verk sín. Þar á meðal eru átta Grammy-verðlaun og þrenn Óskarsverðlaun. mynd/getty Einn stærsti núlifandi lagahöfundur heimsins, sjálfur Burt Bacharach, heldur tónleika í Eldborgarsal Hörpu þriðjudaginn 12. júlí næstkomandi. Þessi 87 ára snillingur hefur á 60 ára ferli sínum samið meira en 500 lög, þar á meðal vinsæl lög eins og Anyone Who Had a Heart, Raindrops Keep Fallin' on My Head, What’s New Pussycat?, What The World Needs Now Is Love, I Say a Little Prayer og svo mætti lengi telja. Margverðlaunaður listamaður Guðbjartur Finnbjörnsson stendur fyrir tónleikunum. „Burt hélt ógleymanlega tónleika í fyrra, þegar hann spilaði fyrir framan 100.000 gesti á Glastonbury-hátíðinni. Hann hefur alls staðar verið að fá frábæra dóma. Það kemur með honum stór hljómsveit og svo spilar hann auðvitað á flygilinn eins og algjör meistari,“ segir Guðbjartur fullur tilhlökkunar. „Ég væri til í að vera svona þegar ég verð 87 ára gamall,“ bætir Guðbjartur við og hlær. Með Bacharach kemur hingað til lands stórhljómsveit og þrír söngvarar en þetta er í fyrsta sinn sem Bacharach heldur tónleika á Íslandi. Hann hefur unnið til ótal verðlauna fyrir verk sín. Þar á meðal eru átta Grammy-verðlaun, þrenn Óskarsverðlaun, ein Golden Globe-verðlaun og þá hefur hann samið 48 lög sem hafa farið á topp 10 í Bandaríkjunum, níu lög sem hafa farið í efsta sæti vinsældalistans og árið 2012 fékk hann hin virtu Gershwin-verðlaun og hélt þá frábæra tónleika fyrir Barack Obama í Hvíta húsinu. Dionne Warwick, Dusty Springfield, Jackie DeShannon, Bobbie Gentry, Tom Jones, Herb Alpert, B. J. Thomas og The Carpenters eru á meðal þeirra sem flutt hafa lög Bacharachs.Páll Óskar segir að tónlist Burst Bacharach hafi margoft bjargað lífi sínu.mynd/Allan SigurðssoLifandi goðsögn „Burt Bacharach er búinn að semja öll uppáhalds lögin þín og þú hefur ekki hugmynd um það,“ segir tónlistarmaðurinn Páll Óskar Hjálmtýsson sem er gríðarlega mikill aðdáandi tónskáldsins. „Ég hef aldrei farið á tónleika með honum svo hér er langþráður draumur minn er að rætast.“ Hann segir tónlist Bacharachs oft hafa bjargað lífi sínu. „Og gerir enn. Burt Bacharach og textahöfundurinn Hal David höfðu jafn djúpstæð áhrif á popptónlist og Bítlarnir og Motown-gengið. Þetta fólk bjó til formið sem popptónlist er mótuð eftir enn í dag. Burt hefur ákveðna sérstöðu vegna þess honum tókst alltaf að gera þetta svo flókið-einfalt. Lögin hans virka ofsalega einföld kannski við fyrstu heyrn, en þegar þú ætlar þér að fara spila og flytja þetta sjálfur þá eru þetta svo gríðarlega flóknar taktskiptingar og hljómagangarnir eru stöðugt að taka óvæntar beygjur. Það er ekki fyrir hvern sem er að leika þessa músík, þú þarft að liggja yfir þessu. Hann nær samt að krossa yfir til almúgans með svona gríðarlega flókna músík. Ef þú hefur einhvern tíma ryksugað heima hjá þér, þá hefur þú sungið með I Say a Little Prayer,“ útskýrir Palli.Með Bacharach kemur hingað til lands stórhljómsveit og þrír söngvarar en þetta er í fyrsta sinn sem Bacharach heldur tónleika á Íslandi.mynd/gettySafnar öllum upptökum Palli var sautján ára gamall þegar tónlist Burts Bacharach fór að læðast inn í líf hans. Það var svo árið 1988 að hann kynntist tónlistinni fyrir alvöru, þegar hann vann við að skúra Kringluna. „Ég var að skúra Kringluna þegar hún var að opna og þar var plötubúð Skífunnar. Inni í Skífunni sá ég tvöfalda safnplötu á vínyl með söngkonu sem heitir Dionne Warwick og þar hjó ég eftir því að hvert einasta lag á þessari safnplötu var eftir sama manninn. Öll þessi uppáhaldslög mín sem höfðu verið að læðast til mín voru samin af Bacharach og Hal David þannig að ég sökkti mér á kaf í þetta og ég fór að safna öllum upptökum sem til eru af lögunum hans. Það mun taka mig alla ævina að fullkomna safnið, skal ég segja þér,“ segir Palli léttur í lundu. „Söngvarar slógust um að syngja lögin hans, þannig að oft eru til margar upptökur af sama laginu með mismunandi flytjendum. Það eru til meira en 120 útgefnar upptökur af „The Look of Love“. Eins og fyrr segir hefur Bacharach á 60 ára ferli sínum samið meira en 500 lög en getur Palli nefnt sín uppáhaldslög? „Ég elska mest Walk on By, I Just Don’t Know What to Do with Myself, Close to You, Alfie, I’ll Never Fall in Love Again, The Look of Love og I Say a Little Prayer,“ segir Palli. Hann hefur sjálfur gefið út sínar útgáfur af lögum Bacharachs og nýtur þess að flytja lögin hans. „Þegar ég spila til dæmis með Moniku hörpuleikara hef ég alltaf eitthvað eftir Burt á prógramminu, þessi lög hafa fylgt mér svo lengi. Tónlist þessa manns er löngu orðin hljóðrás lífs míns.“ Miðasala hefst þriðjudaginn 4. apríl á harpa.is. Golden Globes Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Bernard Hill er látinn Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Sjá meira
Einn stærsti núlifandi lagahöfundur heimsins, sjálfur Burt Bacharach, heldur tónleika í Eldborgarsal Hörpu þriðjudaginn 12. júlí næstkomandi. Þessi 87 ára snillingur hefur á 60 ára ferli sínum samið meira en 500 lög, þar á meðal vinsæl lög eins og Anyone Who Had a Heart, Raindrops Keep Fallin' on My Head, What’s New Pussycat?, What The World Needs Now Is Love, I Say a Little Prayer og svo mætti lengi telja. Margverðlaunaður listamaður Guðbjartur Finnbjörnsson stendur fyrir tónleikunum. „Burt hélt ógleymanlega tónleika í fyrra, þegar hann spilaði fyrir framan 100.000 gesti á Glastonbury-hátíðinni. Hann hefur alls staðar verið að fá frábæra dóma. Það kemur með honum stór hljómsveit og svo spilar hann auðvitað á flygilinn eins og algjör meistari,“ segir Guðbjartur fullur tilhlökkunar. „Ég væri til í að vera svona þegar ég verð 87 ára gamall,“ bætir Guðbjartur við og hlær. Með Bacharach kemur hingað til lands stórhljómsveit og þrír söngvarar en þetta er í fyrsta sinn sem Bacharach heldur tónleika á Íslandi. Hann hefur unnið til ótal verðlauna fyrir verk sín. Þar á meðal eru átta Grammy-verðlaun, þrenn Óskarsverðlaun, ein Golden Globe-verðlaun og þá hefur hann samið 48 lög sem hafa farið á topp 10 í Bandaríkjunum, níu lög sem hafa farið í efsta sæti vinsældalistans og árið 2012 fékk hann hin virtu Gershwin-verðlaun og hélt þá frábæra tónleika fyrir Barack Obama í Hvíta húsinu. Dionne Warwick, Dusty Springfield, Jackie DeShannon, Bobbie Gentry, Tom Jones, Herb Alpert, B. J. Thomas og The Carpenters eru á meðal þeirra sem flutt hafa lög Bacharachs.Páll Óskar segir að tónlist Burst Bacharach hafi margoft bjargað lífi sínu.mynd/Allan SigurðssoLifandi goðsögn „Burt Bacharach er búinn að semja öll uppáhalds lögin þín og þú hefur ekki hugmynd um það,“ segir tónlistarmaðurinn Páll Óskar Hjálmtýsson sem er gríðarlega mikill aðdáandi tónskáldsins. „Ég hef aldrei farið á tónleika með honum svo hér er langþráður draumur minn er að rætast.“ Hann segir tónlist Bacharachs oft hafa bjargað lífi sínu. „Og gerir enn. Burt Bacharach og textahöfundurinn Hal David höfðu jafn djúpstæð áhrif á popptónlist og Bítlarnir og Motown-gengið. Þetta fólk bjó til formið sem popptónlist er mótuð eftir enn í dag. Burt hefur ákveðna sérstöðu vegna þess honum tókst alltaf að gera þetta svo flókið-einfalt. Lögin hans virka ofsalega einföld kannski við fyrstu heyrn, en þegar þú ætlar þér að fara spila og flytja þetta sjálfur þá eru þetta svo gríðarlega flóknar taktskiptingar og hljómagangarnir eru stöðugt að taka óvæntar beygjur. Það er ekki fyrir hvern sem er að leika þessa músík, þú þarft að liggja yfir þessu. Hann nær samt að krossa yfir til almúgans með svona gríðarlega flókna músík. Ef þú hefur einhvern tíma ryksugað heima hjá þér, þá hefur þú sungið með I Say a Little Prayer,“ útskýrir Palli.Með Bacharach kemur hingað til lands stórhljómsveit og þrír söngvarar en þetta er í fyrsta sinn sem Bacharach heldur tónleika á Íslandi.mynd/gettySafnar öllum upptökum Palli var sautján ára gamall þegar tónlist Burts Bacharach fór að læðast inn í líf hans. Það var svo árið 1988 að hann kynntist tónlistinni fyrir alvöru, þegar hann vann við að skúra Kringluna. „Ég var að skúra Kringluna þegar hún var að opna og þar var plötubúð Skífunnar. Inni í Skífunni sá ég tvöfalda safnplötu á vínyl með söngkonu sem heitir Dionne Warwick og þar hjó ég eftir því að hvert einasta lag á þessari safnplötu var eftir sama manninn. Öll þessi uppáhaldslög mín sem höfðu verið að læðast til mín voru samin af Bacharach og Hal David þannig að ég sökkti mér á kaf í þetta og ég fór að safna öllum upptökum sem til eru af lögunum hans. Það mun taka mig alla ævina að fullkomna safnið, skal ég segja þér,“ segir Palli léttur í lundu. „Söngvarar slógust um að syngja lögin hans, þannig að oft eru til margar upptökur af sama laginu með mismunandi flytjendum. Það eru til meira en 120 útgefnar upptökur af „The Look of Love“. Eins og fyrr segir hefur Bacharach á 60 ára ferli sínum samið meira en 500 lög en getur Palli nefnt sín uppáhaldslög? „Ég elska mest Walk on By, I Just Don’t Know What to Do with Myself, Close to You, Alfie, I’ll Never Fall in Love Again, The Look of Love og I Say a Little Prayer,“ segir Palli. Hann hefur sjálfur gefið út sínar útgáfur af lögum Bacharachs og nýtur þess að flytja lögin hans. „Þegar ég spila til dæmis með Moniku hörpuleikara hef ég alltaf eitthvað eftir Burt á prógramminu, þessi lög hafa fylgt mér svo lengi. Tónlist þessa manns er löngu orðin hljóðrás lífs míns.“ Miðasala hefst þriðjudaginn 4. apríl á harpa.is.
Golden Globes Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Gylfi og Alexandra eiga von á barni Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Bernard Hill er látinn Lífið Krakkatían: Kolbeinn kafteinn, langspil og hvolpar Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Sjá meira