Hagar greiði 219 milljónir í sekt

Hagar, eigandi Bónuss, voru í gær dæmdir í Héraðsdómi Reykjaness til að greiða Norvik 219 milljónir króna í skaðabætur vegna svokallaðs mjólkurverðstríðs sem stóð yfir á árunum 2005-2006.

Krónan, sem þá var í eigu Kaupáss, og Bónus kepptus um að bjóða lægsta verðið á mjólkurvörum. Samkeppniseftirlitið hafði áður sektað Haga um 315 milljónir króna vegna mjólkurverðstríðsins.

Samkeppniseftirlitið taldi Haga hafa misnotað markaðsráðandi stöðu með því að selja mjólkurvörur undir kostnaðarverði. Bent var á að Hagar hefðu sagst hafa tapað um 700 milljónum í verðstríðinu. Brotin hefðu verið til þess fallin að veikja keppinauta þeirra á markaði.

Málið var höfðað 2012 en í millitíðinni seldi Kaupás Krónuna til Norvikur.

Hagar hyggjast áfrýja málinu til Hæstaréttar Íslands.



Fréttin birtist fyrst í Fréttablaðinu 24. mars.