Elmar ráðinn framkvæmdastjóri fjármálasviðs 365

Elmar Hallgríms Hallgrímsson hefur verið ráðinn framkvæmdastjóri fjármálasviðs hjá 365.

Þetta kemur fram í tilkynningu frá 365.

Elmar segist virkilega spenntur að ganga til liðs við öfluga liðsheild 365. „Félagið hefur náð miklum árangri og býr yfir sterkum hópi starfsmanna sem ég hlakka til að kynnast betur. Að fá tækifæri til að taka þátt í þeirri sókn sem framundan er hjá félaginu er mikil áskorun sem gaman verður að takast á hendur”.

Hann er með LL.M gráðu frá University of Pennsylvania og embættispróf í lögfræði frá Háskóla Íslands. Hann hefur lokið meistaranámi í fjármálum fyrirtækja og í viðskiptasiðfræði frá Háskóla Íslands, auk þess að hafa lokið prófi í verðbréfasviðskiptum og hafa leyfi til að starfa sem héraðsdómslögmaður.

„Elmar er kvæntur Svandísi Rún Ríkarðsdóttur og eiga þau tvö börn.

Elmar er lektor við viðskiptafræðideild Háskóla Íslands þar sem hann kennir m.a. fjármál, lögfræði, samningatækni, sáttamiðlun, viðskiptasiðfræði og stjórnarhætti fyrirtækja. Elmar hefur einnig undanfarið starfað hjá Arion banka og sem þjálfari hjá Dale Carnegie.

Elmar hefur víðtæka reynslu af stjórnarsetu og er m.a. stjórnarformaður MBA náms Háskóla Íslands og viðskiptafræðistofnunar Háskóla Íslands. Þá hefur Elmar m.a. setið í stjórn Samkeppniseftirlitsins, LÍN og ýmissa lífeyrissjóða,“ segir í tilkynningunni.