Gwyneth Paltrow og Jimmy Fallon borðuðu nýja húðvörulínu hennar

Gwyneth Paltrow og Jimmy Fallon gæddu sér á óvenjulegu snakki í spjallþætti Fallon. Var Paltrow meðal annars í þættinum til þess að kynna nýja húðvöru sína.

Svo vill til að við gerð húðvörulínunnar er notast við lífræn rotvarnarefni sem eru hæf til átu. Tæknilega séð er því ekkert að því að borða snyrtivörulínuna.

Til þess að sýna fram á þetta dró Fallon upp McDonalds-franskar og dýfðu Paltrow og Fallon frönskunum í húðkrem.

„Ekki svo slæmt,“ voru viðbrögðin en húðkremið bragðast víst líkt og ranch-sósa og baðsápa.