Umfjöllun og viðtöl: Stjarnan - Fylkir 26-21 | Stjarnan í bikarúrslit Guðmundur Marinó Ingvarsson í Laugardalshöll skrifar 25. febrúar 2016 11:20 Helena Rut Örvarsdóttir og Thea Imani Sturludóttir, aðalskyttur liðanna. vísir/anton Stjarnan er komin í úrslit Coca Cola bikars kvenna eftir 26-21 sigur á Fylki í undanúrslitum í Laugardalshöll í kvöld. Stjarnan var 13-10 yfir í hálfleik. Stjarnan var með frumkvæðið í leiknum nánast allan leikinn. Jafnræði var með liðunum til að byrja með en fljótlega skellti vörn Stjörnunnar í lás og Stjarnan náði þriggja marka forystu sem liðið hélt allt til hálfleiks. Fylkir er með ungt lið og virkuðu sumir leikmenn liðsins nokkuð taugaspenntir þó það hafi ekki orðið liðinu að falli. Fylkir byrjaði seinni hálfleikinn mjög vel og jafnaði fljótt metin en Stjarnan var fljót að byggja upp þriggja marka forystu á ný og hana náði Fylkir aldrei að vinna upp. Engu að síður var spenna í leiknum nánast allt til loka en frábær markvarsla Florentinu Stanciu í seinni hálfleik, góð vörn og fínn sóknarleikur gerði það að verkum að Fylkir náði aldrei að ógna forystu Stjörnunnar nægjanlega mikið og í lokin refsaði Stjarnan Fylki fyrir að taka áhættu og var sigurinn því stærri en þróun leiksins gaf tilefni til. Stjarnan getur því unnið sjöunda bikarmeistaratitil sinn á laugardag þegar liðið mætir annað hvort Haukum eða Gróttu. Sólveig Lára Kjærnested var drjúg framan af við markaskorun en fékk mikla hjálp í seinni hálfleik, ekki síst frá Hönnu Guðrúnu Stefánsdóttur og Þórhildi Gunnarsdóttur en það sýnir styrk Stjörnunnar að liðið komst í úrslit þrátt fyrir að Helena Örvarsdóttir næði sér engan vegin á strik. Patricia Szölösi fór fyrir Fylki í markaskorun en hún var mjög örugg á vítalínunni í leiknum. Sólveig: Alltaf skrefinu á undan„Já það er æðislegt,“ sagði Sólveig Lára Kjærnested leikmaður Stjörnunnar um tilfinninguna að tryggja sér sæti í úrslitum Coca Cola bikarsins. „Mér fannst við alltaf vera skrefinu á undan en var samt aldrei öruggur. Þær sóttu alltaf að okkur. Við þurfum að halda haus allan leikinn.“ Það er mun meiri reynsla í liði Stjörnunnar en liði Fylkis en Sólveig sagði það ekki hafa ráðið úrslitum. „Ég veit það ekki. Kannski skilaði hún einhverju í lokin. Maður veit það aldrei. „Vörnin var góð. Flóra (Florentina Stanciu) var óheppin í fyrir hálfleik en átti nokkrar flottar vörslur í seinni hálfleik,“ sagði Sólveig. „Sólveig Lára sagði engu skipta hvort Stjarnan mæti Gróttu eða Haukum í úrslitum á laugardaginn. Hún vonast bara eftir maraþonleik liðanna sem þreyti sigurliðið. „Helst tvöfalda framlengingu og vítakeppni. Hafa þetta eins langt og hægt er,“ sagði Sólveig Lára létt í bragði. Harri: Við áttum leikinn„Við náðum ágætu forskoti í fyrri hálfleik og halda því í gegnum leikinn,“ sagði Harri Kristjánsson þjálfari Stjörnunnar eftir sigurinn í kvöld. „Það kom smá hikst í sóknarleikinn okkar og það voru nokkrir póstar sem mér finnst að eigi að vera betri. En við náðum að standa þetta ágætlega. Vörnin var sterk og Flóra góð. „Það skiptir ekki máli hvernig maður spilar í undanúrslitum ef maður kemst áfram,“ sagði Harri. Stjarnan virtist lengst af vera með leikinn í hendi sér og vildi Harri helst ekki viðurkenna það. „Sem þjálfari get ég ekki viðurkennt það en jú ég fann að við áttum leikinn og þetta var okkar að tapa þannig séð. „Fylkir er með hörkulið og ég held að ekkert lið í deildinni geti sagt að Fylkir sé auðveldur leikur,“ sagði Harri sem sagði einnig að sér væri alveg sama hvaða liði Stjarnan mætir í úrslitum. Halldór Stefán: Vissi að það yrði erfitt að skora„Við vorum aldrei langt á eftir og komum alltaf til baka,“ sagði Halldór Stefán Haraldsson þjálfari Fylkis. „Það var augnablik þegar lítið var eftir og við vorum tveimur fleiri að við hefðum getað nýtt það betur. Þá hefðum við verið í leik. „Við tökum séns í lokin og þá fer þetta í fimm mörk. Tveggja marka munur hefði verið eðlileg úrslit,“ sagði Halldór. Fylkir átti á köflum í erfiðleikum með að skora og var Florentina Stanciu liðinu sérstaklega óþægur ljár í þúfu. „Flóra var með tæplega 50% markvörslu og það skilur á milli í svona leik. Það dró tennurnar úr okkur er leið á leikinn. „Við ætluðum ekki að skjóta mikið af 9 metrum. Við ætluðum að komast í gegn og vissum að við myndum ekki skora mikið. Mér fannst vörnin halda vel en við hefðum þurft að skora meira. „Ég reyndi allt sem ég gat og henti auka manni í sóknina. Ég vissi að það yrði erfitt að skora í leiknum enda lögðum við mikið upp úr varnarleiknum,“ sagði Halldór. Halldór Stefáns sagði reynsluleysi síns liðs ekki haft nein áhrif á leik liðsins. „Vikan var góð og við vissum að ef við myndum slá Stjörnuna út þá þyrftum við allar að eiga topp leik. Það voru margar sem hefðu getað gert meir og þjálfarinn líka. Við vorum í leik og er stoltur af þessum stelpum.“ Olís-deild kvenna Mest lesið Mcllroy missti sigur úr greipum sér og DeChambeau vann opna bandaríska Sport Vonarstjarna Bayern München framlengir við félagið Fótbolti Ísold stórbætti persónulegt met og varð Norðurlandameistari Sport Bjarni lætur af störfum hjá KR Fótbolti Barcelona tók titlafernu og fór taplaust í gegnum tímabilið Fótbolti Nablinn slakur í Boston sólinni eftir slæman skell í spilavítinu Körfubolti Bellingham skoraði eina markið í sigri Englands gegn Serbíu Fótbolti „Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn „Auðvitað ekkert ánægður að fá bara eitt stig en þetta var frábær leikur“ Íslenski boltinn Ronaldo hlustaði ekki á meðan aðrir vildu Ancelotti eða Zidane Enski boltinn Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
Stjarnan er komin í úrslit Coca Cola bikars kvenna eftir 26-21 sigur á Fylki í undanúrslitum í Laugardalshöll í kvöld. Stjarnan var 13-10 yfir í hálfleik. Stjarnan var með frumkvæðið í leiknum nánast allan leikinn. Jafnræði var með liðunum til að byrja með en fljótlega skellti vörn Stjörnunnar í lás og Stjarnan náði þriggja marka forystu sem liðið hélt allt til hálfleiks. Fylkir er með ungt lið og virkuðu sumir leikmenn liðsins nokkuð taugaspenntir þó það hafi ekki orðið liðinu að falli. Fylkir byrjaði seinni hálfleikinn mjög vel og jafnaði fljótt metin en Stjarnan var fljót að byggja upp þriggja marka forystu á ný og hana náði Fylkir aldrei að vinna upp. Engu að síður var spenna í leiknum nánast allt til loka en frábær markvarsla Florentinu Stanciu í seinni hálfleik, góð vörn og fínn sóknarleikur gerði það að verkum að Fylkir náði aldrei að ógna forystu Stjörnunnar nægjanlega mikið og í lokin refsaði Stjarnan Fylki fyrir að taka áhættu og var sigurinn því stærri en þróun leiksins gaf tilefni til. Stjarnan getur því unnið sjöunda bikarmeistaratitil sinn á laugardag þegar liðið mætir annað hvort Haukum eða Gróttu. Sólveig Lára Kjærnested var drjúg framan af við markaskorun en fékk mikla hjálp í seinni hálfleik, ekki síst frá Hönnu Guðrúnu Stefánsdóttur og Þórhildi Gunnarsdóttur en það sýnir styrk Stjörnunnar að liðið komst í úrslit þrátt fyrir að Helena Örvarsdóttir næði sér engan vegin á strik. Patricia Szölösi fór fyrir Fylki í markaskorun en hún var mjög örugg á vítalínunni í leiknum. Sólveig: Alltaf skrefinu á undan„Já það er æðislegt,“ sagði Sólveig Lára Kjærnested leikmaður Stjörnunnar um tilfinninguna að tryggja sér sæti í úrslitum Coca Cola bikarsins. „Mér fannst við alltaf vera skrefinu á undan en var samt aldrei öruggur. Þær sóttu alltaf að okkur. Við þurfum að halda haus allan leikinn.“ Það er mun meiri reynsla í liði Stjörnunnar en liði Fylkis en Sólveig sagði það ekki hafa ráðið úrslitum. „Ég veit það ekki. Kannski skilaði hún einhverju í lokin. Maður veit það aldrei. „Vörnin var góð. Flóra (Florentina Stanciu) var óheppin í fyrir hálfleik en átti nokkrar flottar vörslur í seinni hálfleik,“ sagði Sólveig. „Sólveig Lára sagði engu skipta hvort Stjarnan mæti Gróttu eða Haukum í úrslitum á laugardaginn. Hún vonast bara eftir maraþonleik liðanna sem þreyti sigurliðið. „Helst tvöfalda framlengingu og vítakeppni. Hafa þetta eins langt og hægt er,“ sagði Sólveig Lára létt í bragði. Harri: Við áttum leikinn„Við náðum ágætu forskoti í fyrri hálfleik og halda því í gegnum leikinn,“ sagði Harri Kristjánsson þjálfari Stjörnunnar eftir sigurinn í kvöld. „Það kom smá hikst í sóknarleikinn okkar og það voru nokkrir póstar sem mér finnst að eigi að vera betri. En við náðum að standa þetta ágætlega. Vörnin var sterk og Flóra góð. „Það skiptir ekki máli hvernig maður spilar í undanúrslitum ef maður kemst áfram,“ sagði Harri. Stjarnan virtist lengst af vera með leikinn í hendi sér og vildi Harri helst ekki viðurkenna það. „Sem þjálfari get ég ekki viðurkennt það en jú ég fann að við áttum leikinn og þetta var okkar að tapa þannig séð. „Fylkir er með hörkulið og ég held að ekkert lið í deildinni geti sagt að Fylkir sé auðveldur leikur,“ sagði Harri sem sagði einnig að sér væri alveg sama hvaða liði Stjarnan mætir í úrslitum. Halldór Stefán: Vissi að það yrði erfitt að skora„Við vorum aldrei langt á eftir og komum alltaf til baka,“ sagði Halldór Stefán Haraldsson þjálfari Fylkis. „Það var augnablik þegar lítið var eftir og við vorum tveimur fleiri að við hefðum getað nýtt það betur. Þá hefðum við verið í leik. „Við tökum séns í lokin og þá fer þetta í fimm mörk. Tveggja marka munur hefði verið eðlileg úrslit,“ sagði Halldór. Fylkir átti á köflum í erfiðleikum með að skora og var Florentina Stanciu liðinu sérstaklega óþægur ljár í þúfu. „Flóra var með tæplega 50% markvörslu og það skilur á milli í svona leik. Það dró tennurnar úr okkur er leið á leikinn. „Við ætluðum ekki að skjóta mikið af 9 metrum. Við ætluðum að komast í gegn og vissum að við myndum ekki skora mikið. Mér fannst vörnin halda vel en við hefðum þurft að skora meira. „Ég reyndi allt sem ég gat og henti auka manni í sóknina. Ég vissi að það yrði erfitt að skora í leiknum enda lögðum við mikið upp úr varnarleiknum,“ sagði Halldór. Halldór Stefáns sagði reynsluleysi síns liðs ekki haft nein áhrif á leik liðsins. „Vikan var góð og við vissum að ef við myndum slá Stjörnuna út þá þyrftum við allar að eiga topp leik. Það voru margar sem hefðu getað gert meir og þjálfarinn líka. Við vorum í leik og er stoltur af þessum stelpum.“
Olís-deild kvenna Mest lesið Mcllroy missti sigur úr greipum sér og DeChambeau vann opna bandaríska Sport Vonarstjarna Bayern München framlengir við félagið Fótbolti Ísold stórbætti persónulegt met og varð Norðurlandameistari Sport Bjarni lætur af störfum hjá KR Fótbolti Barcelona tók titlafernu og fór taplaust í gegnum tímabilið Fótbolti Nablinn slakur í Boston sólinni eftir slæman skell í spilavítinu Körfubolti Bellingham skoraði eina markið í sigri Englands gegn Serbíu Fótbolti „Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn „Auðvitað ekkert ánægður að fá bara eitt stig en þetta var frábær leikur“ Íslenski boltinn Ronaldo hlustaði ekki á meðan aðrir vildu Ancelotti eða Zidane Enski boltinn Fleiri fréttir Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Sjá meira
„Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“
„Ég veit ekki alveg hvernig það gerðist en ég var glöð að sjá boltann syngja í netinu“ Íslenski boltinn