Risa Zumba partý um helgina

Næstkomandi laugardagsmorgun verður haldið risa Zumba partý í í Valshöllinni að Hlíðarenda þar sem Páll Óskar og Zumba kennararnir Thea, Jóa og Hrafnhildur ásamt Heiðari Austmann plötusnúð halda uppi dúndur stemmningu.

Sérstakur gestur er Glowie en hún tekur lokalagið í partýinu.  Páll Óskar mun taka sex lög í partýinu um leið og Zumba kennararnir dansa einföld og skemmtileg dansspor í mismunandi rútínum við hvert lag svo að partýgestir geta fylgt þeim eftir. Heiðar Austmann sér svo um alla hina tónlistina og kennararnir dansa með og leiða gestina í hverju lagi allan tímann.

Það er  Dans & Jóga sem stendur fyrir risa partýinu næsta laugardagsmorgun þar sem búist er við yfir 500 gestum. Viðburðurinn hefst klukkan 11 að morgni og lýkur rétt eftir hádegi. Hægt er að nálgast miða á miði.is. Húsið opnar klukkan 10.