Glamour

Brooklyn Beckham myndar nýjustu herferð Burberry

Ritstjórn skrifar
Instagram/skjáskot

Hinum 16 ára Brooklyn Beckham áskotnaðist sá heiður á dögunum að fá að mynd auglýsingaherferð fyrir breska tískuhúsið Burberry. Um er að ræða herferð fyrir nýjasta ilm tískuhússins sem nefnist This is Brit.

Brooklyn, sem er elsti sonur David og Victoriu Beckham, hefur löngum haft mikinn áhuga á ljósmyndun og af marka má Instagram Burberry þar sem hann leyfði fylgjendum að fylgjast með tökunum hefur hann hæfileika á bakvið linsuna. 

Ekki eru allir sáttir við þessa ákvörðun Burberry en samkvæmt frétt Guardian er kergja meðal ljósmyndara út í tískuhúsið fyrir að ráða óreyndan ungling til að mynda herferð og segja það gera lítið úr starfi þeirra og menntun. 

Þetta er ekki í fyrsta sinn sem einhver út Beckham fjölskyldunni tengist Burberry en litli bróðir Brooklyn, Rómeo, var stjarna jólaauglýsingar tískuhússins við góðan orðstýr. 

Making Polaroid selects of @LivMasonPearson @BrooklynBeckham for #THISISBRIT

A photo posted by Burberry (@burberry) on

Location change, shooting @maddiedemaine1 @BrooklynBeckham for #THISISBRIT

A photo posted by Burberry (@burberry) on



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.