"Óstöðugt“ vitni lætur af störfum skjóðan skrifar 3. febrúar 2016 09:00 vísir/stefán Fram til þessa hefur „uppgjörið“ við hrunið falist í því að nokkrir stjórnendur og eigendur gömlu bankanna hafa verið leiddir fyrir dómara og dæmdir í fangelsi. Meðölin til að ná fram sakfellingu hafa ekki verið af vandaðra taginu. Stjórnvöld, eftirlitsaðilar og fjórða valdið hafa haft augun límd á baksýnisspeglinum á sama tíma og hvers kyns lögbrot og subbuskapur viðgengst í endurreistu bankakerfi. Stóru bankarnir þrír hafa leyst til sín eignir viðskiptavina gömlu bankanna á færibandi og ráðstafað þeim til nýrra eigenda, sem gjarnan eru vel tengdir og venslaðir vildarvinir bankamannanna, sem með eignirnar fara, eða ráðamanna. Borgunarmálið er kennslubókardæmi, sem eflaust á eftir að rata fyrir dómstóla með óvæntum afleiðingum fyrir þá sem hingað til hafa verið þess fullvissir að réttlætisgyðjan muni aldrei beina sjónum sínum frá gömlu bankamönnunum. En Borgunarmálið er ekki einsdæmi. Landsbankinn seldi Setbergslandið á vildarkjörum til handvalinna kaupenda. Dæmin eru miklu fleiri. Arion banki hefur verið liðtækur við vafasama ráðstöfun eigna. Nú hafa bankinn og framkvæmdastjóri fjárfestingasviðs bankans „í sameiningu“ ákveðið að framkvæmdastjórinn láti af störfum. Í síðustu viku voru fyrrum yfirmenn framkvæmdastjórans fráfarandi sýknaðir af ákæru um umboðssvik. Héraðsdómur sagði að framburður framkvæmdastjórans væri „óstöðugur“. Á venjulegri íslensku þýðir þetta að framkvæmdastjórinn fráfarandi fór með rangan vitnisburð fyrir dómi. Þá tugtaði héraðsdómur ákæruvaldið fyrir að leggja fram 6.000 blaðsíður þar sem gögn voru í belg og biðu og óflokkuð. Ákæruvaldið reyndi sumsé að blekkja og villa um fyrir dómurum með því að kaffæra þá í skjölum og halda eftir gögnum sem sýndu fram á sakleysi hinna ákærðu ásamt því að byggt var á röngum vitnisburði lykilvitnis. Það var ekki fyrr en hinir ákærðu fengu loks að komast í gögn málsins að fram komu upplýsingar sem sýndu fram á meint innherjasvik hins „óstöðuga“ vitnis ákæruvaldsins er það seldi hlutabréf sín í Kaupþingi í byrjun október 2008. FME rannsakar nú það mál. Í Al Thani málinu fengu verjendur og ákærðu ekki aðgang að öllum gögnum málsins. Sakfelling var byggð á framburði hins „óstöðuga“ vitnis og pappírsflóði sem ákæruvaldið dembdi yfir dómarana. Í ljósi sýknudómsins í síðustu viku orkar sakfellingin í Al Thani málinu í besta falli mjög tvímælis. Ströng viðurlög eru við röngum sakargiftum. Saksóknarar og rannsóknaraðilar geta orðið uppvísir að slíku athæfi, t.d. með því að halda eftir gögnum, sem benda til sakleysis ákærðra og leiða vísvitandi fyrir dóm „óstöðugt“ vitni í þeim tilgangi að fá ákærðu ranglega dæmda. Dómarar sem hafa leyft saksóknurum að halda eftir gögnum í hrunmálum hljóta að verða krafðir um skýringar.Skjóðan skrifar í Markaðinn í Fréttablaðinu. Hún er frekju- og leiðindaskjóða, sem lætur ekkert mannlegt sér óviðkomandi.Árétting frá LandsbankanumÍ Skjóðunni, pistli sem ritaður er undir nafnleynd í Markaðinum, viðskiptablaði Fréttablaðsins, var því haldið fram í gær að Landsbankinn hafi selt Setbergslandið í Garðabæ á vildarkjörum til handvalinna kaupenda.Þetta er alrangt.Landsbankinn yfirtók Setbergslandið í desember 2011 og var yfirtakan hluti af skuldauppgjöri við fyrrum eiganda landsins. Setbergslandið var því svokölluð fullnustueign en Hömlur, dótturfélag Landsbankans, ber ábyrgð á umsýslu og sölu fullnustueigna bankans. Auglýsing um að Setbergslandið væri til sölu var upphaflega sett á vef Hamla (www.homlur.is) í október 2013. Það var jafnframt sett á skrá hjá nokkrum fasteignasölum og upplýsingar um að landið væri til sölu birtust m.a. á fasteignavefjum mbl.is og visir.is. Aðrar sambærilegar eignir hafa verið auglýstar með sama hætti.Hömlur hafa tvisvar sinnum tekið tilboðum í Setbergslandið. Í janúar 2015 tóku Hömlur tilboði í landið með fyrirvörum af hálfu kaupenda. Um þessi viðskipti var fjallað í fjölmiðlum. Í maí upplýstu þeir sem gerðu tilboðið að þeir myndu ekki standa við tilboð sitt. Í sama mánuði var eignin aftur boðin til sölu, með sama hætti og fyrr. Annað tilboð, frá öðrum fjárfestum, barst í Setbergslandið í lok árs 2015. Þetta tilboð samþykktu Hömlur og er eignin nú seld. Upphæðin sem var boðin fyrir landið var álíka há og fyrra tilboðið hljóðaði upp á.Setbergslandið hafði verið til sölu í um tvö ár áður en það var selt og upplýsingar um landið væri til sölu lágu fyrir opinberlega í um tvö ár áður en það var selt. Ummælin í Skjóðunni dæma sig sjálf. Skjóðan Mest lesið Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Davíð Ernir til liðs við Athygli Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Fram til þessa hefur „uppgjörið“ við hrunið falist í því að nokkrir stjórnendur og eigendur gömlu bankanna hafa verið leiddir fyrir dómara og dæmdir í fangelsi. Meðölin til að ná fram sakfellingu hafa ekki verið af vandaðra taginu. Stjórnvöld, eftirlitsaðilar og fjórða valdið hafa haft augun límd á baksýnisspeglinum á sama tíma og hvers kyns lögbrot og subbuskapur viðgengst í endurreistu bankakerfi. Stóru bankarnir þrír hafa leyst til sín eignir viðskiptavina gömlu bankanna á færibandi og ráðstafað þeim til nýrra eigenda, sem gjarnan eru vel tengdir og venslaðir vildarvinir bankamannanna, sem með eignirnar fara, eða ráðamanna. Borgunarmálið er kennslubókardæmi, sem eflaust á eftir að rata fyrir dómstóla með óvæntum afleiðingum fyrir þá sem hingað til hafa verið þess fullvissir að réttlætisgyðjan muni aldrei beina sjónum sínum frá gömlu bankamönnunum. En Borgunarmálið er ekki einsdæmi. Landsbankinn seldi Setbergslandið á vildarkjörum til handvalinna kaupenda. Dæmin eru miklu fleiri. Arion banki hefur verið liðtækur við vafasama ráðstöfun eigna. Nú hafa bankinn og framkvæmdastjóri fjárfestingasviðs bankans „í sameiningu“ ákveðið að framkvæmdastjórinn láti af störfum. Í síðustu viku voru fyrrum yfirmenn framkvæmdastjórans fráfarandi sýknaðir af ákæru um umboðssvik. Héraðsdómur sagði að framburður framkvæmdastjórans væri „óstöðugur“. Á venjulegri íslensku þýðir þetta að framkvæmdastjórinn fráfarandi fór með rangan vitnisburð fyrir dómi. Þá tugtaði héraðsdómur ákæruvaldið fyrir að leggja fram 6.000 blaðsíður þar sem gögn voru í belg og biðu og óflokkuð. Ákæruvaldið reyndi sumsé að blekkja og villa um fyrir dómurum með því að kaffæra þá í skjölum og halda eftir gögnum sem sýndu fram á sakleysi hinna ákærðu ásamt því að byggt var á röngum vitnisburði lykilvitnis. Það var ekki fyrr en hinir ákærðu fengu loks að komast í gögn málsins að fram komu upplýsingar sem sýndu fram á meint innherjasvik hins „óstöðuga“ vitnis ákæruvaldsins er það seldi hlutabréf sín í Kaupþingi í byrjun október 2008. FME rannsakar nú það mál. Í Al Thani málinu fengu verjendur og ákærðu ekki aðgang að öllum gögnum málsins. Sakfelling var byggð á framburði hins „óstöðuga“ vitnis og pappírsflóði sem ákæruvaldið dembdi yfir dómarana. Í ljósi sýknudómsins í síðustu viku orkar sakfellingin í Al Thani málinu í besta falli mjög tvímælis. Ströng viðurlög eru við röngum sakargiftum. Saksóknarar og rannsóknaraðilar geta orðið uppvísir að slíku athæfi, t.d. með því að halda eftir gögnum, sem benda til sakleysis ákærðra og leiða vísvitandi fyrir dóm „óstöðugt“ vitni í þeim tilgangi að fá ákærðu ranglega dæmda. Dómarar sem hafa leyft saksóknurum að halda eftir gögnum í hrunmálum hljóta að verða krafðir um skýringar.Skjóðan skrifar í Markaðinn í Fréttablaðinu. Hún er frekju- og leiðindaskjóða, sem lætur ekkert mannlegt sér óviðkomandi.Árétting frá LandsbankanumÍ Skjóðunni, pistli sem ritaður er undir nafnleynd í Markaðinum, viðskiptablaði Fréttablaðsins, var því haldið fram í gær að Landsbankinn hafi selt Setbergslandið í Garðabæ á vildarkjörum til handvalinna kaupenda.Þetta er alrangt.Landsbankinn yfirtók Setbergslandið í desember 2011 og var yfirtakan hluti af skuldauppgjöri við fyrrum eiganda landsins. Setbergslandið var því svokölluð fullnustueign en Hömlur, dótturfélag Landsbankans, ber ábyrgð á umsýslu og sölu fullnustueigna bankans. Auglýsing um að Setbergslandið væri til sölu var upphaflega sett á vef Hamla (www.homlur.is) í október 2013. Það var jafnframt sett á skrá hjá nokkrum fasteignasölum og upplýsingar um að landið væri til sölu birtust m.a. á fasteignavefjum mbl.is og visir.is. Aðrar sambærilegar eignir hafa verið auglýstar með sama hætti.Hömlur hafa tvisvar sinnum tekið tilboðum í Setbergslandið. Í janúar 2015 tóku Hömlur tilboði í landið með fyrirvörum af hálfu kaupenda. Um þessi viðskipti var fjallað í fjölmiðlum. Í maí upplýstu þeir sem gerðu tilboðið að þeir myndu ekki standa við tilboð sitt. Í sama mánuði var eignin aftur boðin til sölu, með sama hætti og fyrr. Annað tilboð, frá öðrum fjárfestum, barst í Setbergslandið í lok árs 2015. Þetta tilboð samþykktu Hömlur og er eignin nú seld. Upphæðin sem var boðin fyrir landið var álíka há og fyrra tilboðið hljóðaði upp á.Setbergslandið hafði verið til sölu í um tvö ár áður en það var selt og upplýsingar um landið væri til sölu lágu fyrir opinberlega í um tvö ár áður en það var selt. Ummælin í Skjóðunni dæma sig sjálf.
Skjóðan Mest lesið Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent Telur um dulda launahækkun skrifstofufólks að ræða Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Davíð Ernir til liðs við Athygli Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Fleiri fréttir Skáluðu fyrir kraftinum sem knýr samfélagið Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent