Nýtt Íslandsmet í skotfimi á Reykjavíkurleikunum

Keppni í skotfimi á Reykjavíkurleikunum fór fram í Egilshöllinni í gær. Keppt var bæði með loftskammbyssu og loftriffli.

Ásgeir Sigurgeirsson og Jórunn Harðardóttir voru valin skotfimifólk mótsins en þau unnu bæði í loftskammbyssukeppninni og Jórunn var auk þess í 2. sæti í keppni með loftriffli.

Í loftriffilkeppninni setti Kvennasveit Skotfélags Reykjavíkur nýtt Íslandsmet með 1.056,5 stig en í sveitinni voru þær Íris Eva Einarsdóttir, Jórunn Harðardóttir og Dagný H. Hinriksdóttir.

Sveit Skotíþróttafélags Kópavogs setti nýtt Kópavogsmet 803,7 stig í sömu grein en þá sveit skipuðu þær Bára Einarsdóttir, Guðrún Hafberg og María Clausen.

Eftirfarandi voru verðlaunahafar mótsins:

Loftskammbyssa karla:

1.    Ásgeir Sigurgeirsson úr Skotfélagi Reykjavíkur með 571 stig

2.    Thomas Viderö úr Skotíþróttafélagi Kópavogs með 562 stig

3.    Niels Dalhof Andersen frá Danmörku með 539 stig.

Loftskammbyssa kvenna:

1.    Jórunn Harðardóttir úr Skotfélagi Reykjavíkur með 362 stig

2.    Bára Einarsdóttir úr Skotíþróttafélagi Kópavogs með 349 stig

3.    Guðrún Hafberg úr Skotíþróttafélagi Kópavogs með 329 stig

Loftriffli karla:

1.    Guðmundur Helgi Christensen úr Skotfélagi Reykjavíkur með 578,6 stig

2.    Theódór Kjartansson úr Skotdeild Keflavíkur með 560,2 stig

3.    Sigfús Tryggvi Blumenstein úr Skotfélagi Reykjavíkur með 527,0 stig

Loftriffli kvenna:

1.    Íris Eva Einarsdóttir úr Skotfélagi Reykjavíkur með 397,1 stig

2.    Jórunn Harðardóttir úr Skotfélagi Reykjavíkur með  394,5 stig

3.    Bára Einarsdóttir úr Skotíþróttafélagi Kópavogs með 358,6 stig