Drengur með einhverfu sá loksins Coldplay og tilfinningarnar báru hann og pabbann ofurliði

Eitt allra vinsælasta myndbandið á internetinu þessa dagana er af ungum dreng sem brotnar niður á tónleikum með Coldplay.

Drengurinn er með einhverfu og fékk loksins að fara á tónleika með uppáhalds hljómsveitinni sinni með föður sínum Luis Vazquez.

Daily Mail deilir myndbandinu á Facebook og þegar þessi frétt er skrifuð hafa yfir 13 milljónir horft á það.

Tónleikarnir fóru fram í Mexíkóborg á Foro Sol-leikvanginum. Þegar lagið Fix You var spilað brotnaði drengurinn alveg niður og söng faðir hans til hans. Virkilega fallegt myndband en hljómsveitin sjálf hefur meðal annars deilt myndbandinu.