Rangur staður á röngum tíma

Því að standa við veg fylgir alltaf ákveðin hætta. Nýverið kynntist maður í Rússlandi þeirri hættu af eigin raun þegar hann varð fyrir skilti sem bíll ók á. Maðurinn stökk til hliðar til að reyna að forðast bílinn, en varð þess í stað undir skiltinu. Hann virðist ekki hafa meiðst alvarlega.

Atvikið náðist á myndband úr bílnum sem ekið var á skiltið. Ökumaður bílsins neyddist til að keyra út af þegar öðrum bíl var ekið í veg fyrir hann. Um stund virtist sem að hann myndi keyra á áðurnefndan mann en þess í stað ók hann bara á skiltið.