ESB sektar vörubílaframleiðendur um 398 milljarða vegna samráðs Finnur Thorlacius skrifar 20. júlí 2016 13:33 Samráðið evrópskra vörubílaframleiðenda er talið hafa staðið yfir í meira en 14 ár. Í janúar 2011 hóf Samkeppnisstofnun Evrópusambandsins rannsókn á meintu ólöglegu verðsamráði fimm stærstu vörubílaframleiðenda Evrópu. Fyrirtækin sem um ræðir eru Daimler, DAF, Iveco, MAN og Volvo/Renault. Framkvæmdastjórn Evrópusambandsins segir að fyrirtækin hafi auk verðsamráðs verið samtaka um að fara svig við reglur um eldsneytissparnað og mengun. Samráðið er talið hafa staðið yfir í meira en 14 ár. Í dag tilkynnti Margarethe Vestager samkeppnismálastjóri ESB um 2,94 milljarða evru sekt á fyrirtækin vegna þessara alvarlegu brota, eða sem nemur 398 milljörðum króna. ,,Það er óásættanlegt að MAN, Volvo/Renault, Daimler, Iveco og DAF, sem samanlagt framleiða 9 af hverjum 10 miðlungs- og stærri vörubílum í Evrópu, hafi myndað með sér ólögmætan samráðshring til að komast undan samkeppni á markaði,” sagði Margarethe Vestager í yfirlýsingu. Þetta er lang hæsta samkeppnissekt sem lögð hefur verið á fyrirtæki innan ESB en gamla metið var 1,4 milljarðar evra vegna ólögmæts samráðs framleiðenda sjónvarps- og tölvuskjáa frá 2012. Þýska fyrirtækið MAN sem er hluti af Volkswagen samsteypunni var þátttakandi í þessum samráðshring en komst undan sektum þar sem fyrirtækið tikynnti upphaflega um samráðið til yfirvalda og aðstoðaði við rannsóknina. Hæsta sektin leggst á Daimler eða 1,01 milljarður evra, DAF á að borga um 753 milljónir evra, Volvo/Renault er sektað um 670 milljónir evra og Iveco á að greiða um 495 milljónir evra. Þessi frétt er fengin af vef Félags Íslenskra Bifreiðaeigenda, fib.is. Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent „Eins og að vera úti á rúmsjó“ í Eyjum annað kvöld Veður „Komið nóg af áföllum“ Innlent Ferðaþjónustuþorpið Vík: „Við erum ein á báti“ Innlent Hafi látið högg og spörk dynja á foreldrunum í tíu klukkustundir Innlent
Í janúar 2011 hóf Samkeppnisstofnun Evrópusambandsins rannsókn á meintu ólöglegu verðsamráði fimm stærstu vörubílaframleiðenda Evrópu. Fyrirtækin sem um ræðir eru Daimler, DAF, Iveco, MAN og Volvo/Renault. Framkvæmdastjórn Evrópusambandsins segir að fyrirtækin hafi auk verðsamráðs verið samtaka um að fara svig við reglur um eldsneytissparnað og mengun. Samráðið er talið hafa staðið yfir í meira en 14 ár. Í dag tilkynnti Margarethe Vestager samkeppnismálastjóri ESB um 2,94 milljarða evru sekt á fyrirtækin vegna þessara alvarlegu brota, eða sem nemur 398 milljörðum króna. ,,Það er óásættanlegt að MAN, Volvo/Renault, Daimler, Iveco og DAF, sem samanlagt framleiða 9 af hverjum 10 miðlungs- og stærri vörubílum í Evrópu, hafi myndað með sér ólögmætan samráðshring til að komast undan samkeppni á markaði,” sagði Margarethe Vestager í yfirlýsingu. Þetta er lang hæsta samkeppnissekt sem lögð hefur verið á fyrirtæki innan ESB en gamla metið var 1,4 milljarðar evra vegna ólögmæts samráðs framleiðenda sjónvarps- og tölvuskjáa frá 2012. Þýska fyrirtækið MAN sem er hluti af Volkswagen samsteypunni var þátttakandi í þessum samráðshring en komst undan sektum þar sem fyrirtækið tikynnti upphaflega um samráðið til yfirvalda og aðstoðaði við rannsóknina. Hæsta sektin leggst á Daimler eða 1,01 milljarður evra, DAF á að borga um 753 milljónir evra, Volvo/Renault er sektað um 670 milljónir evra og Iveco á að greiða um 495 milljónir evra. Þessi frétt er fengin af vef Félags Íslenskra Bifreiðaeigenda, fib.is.
Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent „Eins og að vera úti á rúmsjó“ í Eyjum annað kvöld Veður „Komið nóg af áföllum“ Innlent Ferðaþjónustuþorpið Vík: „Við erum ein á báti“ Innlent Hafi látið högg og spörk dynja á foreldrunum í tíu klukkustundir Innlent