Tékkland í 8-liða úrslitin í fyrsta sinn

Landslið Tékklands í körfubolta komst í dag í fyrsta sinn sem sjálfstætt ríki í 8-liða úrslit EM í körfubolta, Eurobasket, en 16-liða úrslitin kláruðust í dag. Ásamt Tékklandi tryggðu Ítalía, Serbía og Litháen sér sæti í 8-liða úrslitunum.

Tékkland mætti Króatíu í Lille, Frakklandi, í fyrsta leik dagsins og náðu þeir undirtökunum strax í fyrsta leikhluta. Tókst liðinu að vinna fyrstu þrjá leikhlutana og leiða 65-43 eftir þrjá leikhluta en Króötum tókst að kroppa eitt stig af forskoti Tékka í fjórða leikhluta. Lauk leiknum með 80-59 sigri Tékklands.

Ítalska liðið leit vel út í 30 stiga sigri á Ísrael í dag en ítalska liðið gerði út um leikinn í þriðja leikhluta en staðan var 68-39 eftir þrjá leikhluta.

Serbar lentu í töluverðum vandræðum að hrista frá sér Finnland í leik liðanna í dag en Serbar unnu alla fimm leiki sína í A-riðlinum. Leiddu Serbar með fimm stigum í hálfleik en þeir juku forskot sitt í seinni hálfleik og unnu að lokum þrettán stiga sigur.

Boðið var upp á heldur meiri spennu í lokaleik dagsins þar sem Litháen mætti Georgíu. Georgía leiddi með einu stigi fyrir lokaleikhlutan en Litháum tókst að snúa leiknum sér í hag í lokaleikhlutanum.

Úrslit kvöldsins:

Króatía 59-80 Tékkland

Serbía 94-81 Finnland

Ísrael 52-82 Ítalía

Litháen 85-81 Georgía

8-liða úrslitin:

Frakkland - Lettland

Spánn - Grikkland

Serbía - Tékkland