Um 62.700 erlendir ferðamenn fóru frá landinu í janúar síðastliðnum samkvæmt talningum Ferðamálastofu í Flugstöð Leifs Eiríkssonar eða 16.100 fleiri en í janúar á síðasta ári.
Aukningin nemur 34,5% milli ára. Ferðaárið fer því vel af stað en ferðamenn hafa aldrei mælst fleiri í janúar frá því mælingar hófust, að því er fram kemur í tilkynningu frá Ferðamálastofu.
Bretar og Bandaríkjamenn voru um helmingur allra ferðamanna sem komu til landsins í janúar.
Aldrei fleiri erlendir ferðamenn í janúar
Tengdar fréttir
997 þúsund ferðamenn heimsóttu Ísland á árinu
Aðeins vantaði 2.444 ferðamenn upp á að sá milljónasti kæmi til landsins á nýliðnu ári. Fjöldi ferðamanna um Keflavíkurflugvöll, Seyðisfjörð og aðra flugvelli var 997.556 árið 2014.
Hótel nánast fullbókuð fram á vor
Útlit er fyrir metfjölda erlendra ferðamanna í febrúar og erfitt er að bóka gistingu á höfuðborgarsvæðinu.
Tæplega þrjátíu prósent aukning á ferðamönnum milli ára
Í desember 2014 komu 53.716 erlendir ferðamenn til landsins í gegnum Leifsstöð.
